Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3250
Lykilorð: Arðsemismat, ljósastýring, þorskeldi, rekstrarkostnaður, kostnaðargreining.
Þorskeldi er sú atvinnugrein sem sjávarútvegurinn bindur hvað sem mest vonir við í framtíðinni. Ekki síst vegna þeirrar staðreyndar að þorski fer fækkandi í höfunum meðal annars vegna ofveiði, þar sem fólksfjölgunin í heiminum eykur þörfina á mat. Vegur þorskurinn stóran þátt í þeirri þörf og er mikilvæg neysluvara. En er þessi atvinnugrein jafn arðbær og vonir standa til og getur ljósastýring ýtt enn frekar undir hana? Fjölmargir þættir hafa áhrif á hvort svo sé, fjárhagslegir, umhverfi, vinnsla og fleiri.
Viðfangsefni þessa verkefnis er að svara því hvort ljósastýring sé arðbær í þorskeldi út frá tilraun sem Matís ohf. framkvæmdi frá árinu 2006 - 2008. Til þess var notuð kostnaðar– og nytjagreining. Unnið er út frá þeim forsendum að þorskinum var slátrað í október 2008 og þeirri nýtingu sem kom út úr þeirri slátrun.
Helstu niðurstöðu úr arðsemismatinu sýna að miðað við þær forsendur sem lágu fyrir, þá var ljósastýringin ekki að borga sig. Heildarþyngdaraukningin sem kom út úr ljósahópnum var 1.005,78 kg. sem gaf kr. 482.814,63 í tekjur á móti kostnaði við ljósastýringuna kr. 477.716. Mismunurinn er því kr. 5.098,63, sem er ekki nægjanlegt til að geta sagt að tilraunin hafi sýnt af sér arðsemi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Arðsemismat á ljósastýringu við þorskeldi - heild.pdf | 782.7 kB | Lokaður | Arðsemismat á ljósastýringu við þorskeldi - heild | ||
Arðsemismat á ljósastýringu við þorskeldi - efnisyfirlit.pdf | 71.69 kB | Opinn | Arðsemismat á ljósastýringu við þorskeldi - efnisyfirlit | Skoða/Opna | |
Arðsemismat á ljósastýringu við þorkseldi - heimildaskrá.pdf | 109.93 kB | Opinn | Arðsemismat í ljósastýringu við þorskeldi - heimildaskrá | Skoða/Opna |