is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3358

Titill: 
  • Sjónmál náttúrunnar. Fagurfræði og heimsmynd í vestrænu landslagsmálverki 1500-1900
Námsstig: 
  • Bakkalár
Útdráttur: 
  • Sjónmál náttúrunnar. Fagurfræði og heimsmynd í vestrænu landslagsmálverki 1500-
    1900 fjallar um evrópska landslagsmálverkið á tímabilinu 1500 til 1900. Fyrsti hluti
    lýtur að landslagshefð í verkum ítalskra endurreisnarlistamanna í Feneyjum þar sem
    um 1500 bar á auknu vægi landslags samfara húmanisma og vaxandi áhuga á
    umhverfinu. Í öðrum hluta er fjallað um hollenska skólann í landslagsmálun á 17. öld
    í samhengi þjóðfélagsrýmis sem tengist snemmbærum áhrifum nútímavæðingar. Þá er
    rakin þróun fransk-ítalskrar hefðar í landslagsmálun á 17. öld, einkum með umfjöllun
    um verk franskra listamanna sem búsettir voru í Róm og voru undir áhrifum frá
    fornaldarmenningu og sveitalífshefð feneyska skólans áðurnefnda. Leitast er við að
    lýsa hvernig fransk-ítalska landslagshefðin myndaði grundvöll akademískrar
    listkennslu. Í þriðja hluta er landslagsmálun á 18. öld í Frakklandi, á Englandi og á
    Ítalíu gerð skil. Landslagshefðin er sett í samhengi við þróun í hugmyndasögu
    aldarinnar: ræddar eru birtingarmyndir nýrra hugmynda um náttúruna, hugmynda sem
    tengjast upplýsingarstefnunni. Sagt er frá helstu einkennum nýklassíkur í
    landslagsmálverki en nýklassík var ráðandi stefna á síðustu áratugum aldarinnar.
    Fjórði hluti fjallar um landslagsmálun á Englandi og í Frakklandi á 19. öld í tengslum
    við fjórar meginstefnur. Fyrst er leitast við að greina nýjar áherslar er fylgja
    rómantísku stefnunni, sem var leiðandi stefna fram til um 1840 og fól í sér rof frá
    akademísku kennivaldi og klassískri landslagshefð. Þá er gerð grein fyrir tilkomu
    ljósmyndarinnar, pósitívisma og raunsæisstefnu í málaralist og ýmsum myndrænum
    nýjungum í því samhengi. Að lokum er fjallað um áherslur impressjónismans, sem
    kom fram á sjónarsviðið um 1870, og viðbrögðum við honum í síðimpressjónismanum
    undir lok aldarinnar. Megináherslur 4. hluta tengjast þeirri
    róttæku endurskoðun og samræðu við hefðina sem þá þróaðist og leiddi m.a. til
    aukinnar áherslu á einstaklingsbundna reynslu og tjáningu, mun sýnilegri pensiltækni
    en áður þekktist og áherslu á innri lögmál málverksins.
    Í þessu sögulega yfirliti og greiningu á lykilverkum í þróun vestrænnar
    landslagsmyndlistar er litið til hugmyndafræðilegra þátta er tengjast þjóðfélagsgerð, hugmyndasögu, nútíma- og tæknivæðingu – þátta sem varpa ljósi á tengsl fagurfræði og heimsmyndar, menningar og náttúru.

Samþykkt: 
  • 6.10.2008
URI: 
  • http://hdl.handle.net/1946/3358


Skrár
Skráarnafn Stærð AðgangurLýsingSkráartegund 
Anna_Johannsdottir_fixed.pdf2.48 MBOpinnHeildartextiPDFSkoða/Opna