Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3376
Aðalefnisþættir rannsóknarinnar eru sveitarfélögin og áhrif umhverfis-og skipulagsmála á þau. Notast er við kenningar um opinber stjórntæki og áhrif stjórntækisins „lög og reglur” metið með tilliti til fræðanna, markmiða og tilgangs með notkun þeirra. Stjórntækið „lög og reglur” er sérstaklega skoðað út frá lögum um mat á umhverfisáhrifum, lögum um umhverfismat áætlana og frumvarpi til skipulagsmála. Með úrvinnslu viðtala við átta viðmælendur og túlkun á fræðunum er lagt mat á hvort stjórntækið komi til með að skerða sjálfstæði sveitarfélaga í umhverfis- og skipulagsmálum eða stuðla að sjálfbærri þróun.
Til að meta áhrif umræddra lagasetninga er gerð stefnugreining á þeim auk þess sem þau eru metin með tilliti til megineinkenna og meginmarkmiða opinberra stjórntækja.
Niðurstöður rannsóknarinnar gefa ekki einhlítt svar við rannsóknarspurningunni um „hvort áhrif nýrra lagasetninga, á sviði umhverfis- og skipulagsmála, komi til með að skerða sjálfstæði sveitarfélaga í umhverfis- og skipulagsmálum eða stuðla að sjálfbærri þróun?”
Niðurstaðan bendir þó til þess að notkun þessara stjórntækja nái að mestu markmiðum sínum um sjálfbæra þróun. Með rannsóknarspurningunni voru settar fram tvær tilgátur um verndun umhverfisins og sjálfbæra þróun. Ekki var hægt fullyrða að þær stæðust/stæðust ekki en draga má þó ályktun um að verndun umhverfisins í anda sjálfbærar þróunar verði einungis náð með laga- og reglusetningu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Ingibjorg_Elsa_Ingjaldsdottir_fixed.pdf | 1.18 MB | Opinn | Heildartexti | Skoða/Opna |