ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3381

Titill

Heiðursmannasamkomulagið í Viðey. Orsök og aðdragandi myndunar Viðeyjarstjórnar

Útdráttur

Viðeyjarstjórnin svokallaða var ríkisstjórn Sjálfstæðisflokks og Alþýðuflokks, sem tók
við völdum 30. apríl 1991, í kjölfar þingkosninga tíu dögum áður. Með þátttöku sinni í
stjórninni rauf Alþýðuflokkurinn meirihluta vinstri stjórnarinnar, sem samanstóð af
Alþýðubandalagi, Framsóknarflokki og hluta Borgaraflokks, auk Alþýðuflokks. Sú stjórn
hélt velli með einum manni í kosningunum, þrátt fyrir að Borgaraflokkurinn þurrkaðist út
af þingi. Alþýðuflokkur kaus hins vegar að starfa með Sjálfstæðisflokki. Mörg stór mál
voru framundan, meðal annars samningurinn um Evrópskt efnahagssvæði, þrengingar í
efnahagsmálum og viðræður um nýtt álver á Keilisnesi.
Í ritgerðinni eru greindar ástæður þess að ríkisstjórn Sjálfstæðisflokks og
Alþýðuflokks var mynduð eftir kosningarnar 1991. Kosningabaráttan hafði þar mikil
áhrif og þá sérstaklega deilur forystumanna félagshyggjuflokkanna þriggja. Þá var
ágreiningur um EES samninginn einn helsti ásteytingarsteinninn í vinstra samstarfinu.
Stefnubreyting sjálfstæðismanna í Evrópumálum var lykilatriði í að saman náði með
Viðeyjarflokkunum. Rakið er hvaða áhrif leynilegir einkafundir forystumanna
Alþýðuflokks og Sjálfstæðisflokks höfðu á möguleikann á stjórnarmyndun. Í ritgerðinni
er einnig krufið hvernig ráðherrar ríkisstjórnarinnar voru valdir og skoðað hvaða áhrif
málefnaáherslur flokkanna höfðu á myndun Viðeyjarstjórnarinnar.
Sviðsljósinu er sérstaklega beint að persónulegum samskiptum forystumanna
helstu stjórnmálaflokkanna, hvernig þeim samdi og hvað þeim fór á milli í aðdraganda
kosninga og í kjölfar þeirra. Stjórnmál snúast um meira en málefni eða persónulegan
metnað, stundum getur skortur á trausti eða vináttu hindrað samstarf tveggja
stjórnmálamanna. Sýnt er fram á að sú hafi verið raunin vorið 1991 og að ósætti
stjónarflokkanna í kosningabaráttunni hafi rutt veginn fyrir myndun
Viðeyjarstjórnarinnar.

Birting
10.10.2008


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Steindor_Gretar_Jo... .PDF313KBOpinn Heildartexti PDF Skoða/Opna