is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3414

Titill: 
  • Notkun upplýsingatækni í mannauðsstjórnun
Námsstig: 
  • Meistara
Útdráttur: 
  • Notkun upplýsingatækni til stuðnings mannauðsaðgerðum fer sífellt vaxandi og getur
    haft víðtæk áhrif á það hvernig mannauðsstjórnun er sinnt innan skipulagsheilda og á
    árangur af mannauðsstjórnun fyrir skipulagsheildina. Í þessari rannsókn er notkun
    íslenskra skipulagsheilda á tölvuvæddum mannauðskerfum skoðuð. Mat er lagt á
    útbreiðslu kerfanna og hvort notkun þeirra fari eftir stærð skipulagsheilda eða því
    hvort þær starfi í einkageiranum eða þeim opinbera. Einnig er litið til þess hvernig
    notkun á kerfunum er háttað með tilliti til þeirra möguleika sem kerfin bjóða upp á og
    hvernig upplýsingar úr þeim eru nýttar. Svarendur voru einnig beðnir um að leggja
    mat sitt á áhrif af notkun kerfanna fyrir skipulagsheildina.
    Rannsóknin var unnin með megindlegri aðferðafræði. Settur var saman spurningalisti
    sem sendur var til 175 skipulagsheilda með 80 starfsmenn eða fleiri. Óskað var eftir
    því að starfsmannastjórar, eða aðrir starfsmenn sem sinna málaflokknum, svöruðu
    fyrir hönd sinnar skipulagsheildar. Alls bárust svör frá 107 skipulagsheildum og var
    svarhlutfall því 61,14%.
    Niðurstöður rannsóknarinnar sýna að rétt yfir helmingur skipulagsheildanna notar
    tölvuvædd mannauðskerfi og hefur stærð skipulagsheildanna áhrif á það hvort
    mannauðskerfi er til staðar. Ekki var marktækur munur á notkun mannauðskerfa eftir
    því hvort um var að ræða opinbera stofnun eða sveitarfélag eða skipulagsheildir í
    einkageiranum. Algengast var að skipulagsheildirnar notuðu mannauðskerfin í
    rekstrarlegum tilgangi, það er að segja við skráningu, vistun, greiningu og dreifingu
    upplýsinga um mannauðinn. Kerfin voru einnig notuð til framkvæmdar á ákveðnum
    mannauðsaðgerðum, svo sem við ráðningar og val á starfsfólki. Sjaldgæft var að
    kerfin væru notuð með beinum hætti í stefnumiðuðum aðgerðum, við áætlanagerð og
    þarfagreiningu. Viðhorf til mannauðskerfanna var almennt jákvætt og var mjög stór
    hluti svarenda sammála eða mjög sammála staðhæfingum um áhrif af notkun
    mannauðskerfa, sem settar voru fram í spurningalistanum, en þær voru allar jákvætt
    orðaðar.

Samþykkt: 
  • 11.10.2008
URI: 
  • http://hdl.handle.net/1946/3414


Skrár
Skráarnafn Stærð AðgangurLýsingSkráartegund 
Ragnheidur_Bjorgvinsdottir_fixed.pdf401.94 kBOpinnHeildartextiPDFSkoða/Opna