ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3460

Titill

Áhættutaka í vinnuslysum

Útdráttur

Efni þessarar ritgerðar er áhættutaka í vinnuslysum. Um áhættutöku var mikið fjallað í fræðibókum á sjöunda áratug síðustu aldar, enda var hugtakið þá nýtt af nálinni. Arnljótur Björnsson var fyrstur íslenskra fræðimanna til að rita um áhættutöku en umfjöllun hans í kennslubókinni Skaðabótaréttur – kennslubók fyrir byrjendur er frá 1986. Auk þess má nefna að fjallað var um áhættutöku á 32. norræna lögfræðiþinginu sem haldið var hér á landi árið 1990. Helstu heimildir sem notast verður við í þessari ritgerð eru þó nýrri en þær sem komu fram á þessum tíma, enda margt breyst á sviði áhættutöku síðan hugtakið kom fyrst fram. Má þar nefna dómaframkvæmd Hæstaréttar Íslands í málum er varða farþega sem taka sér far með ölvuðum ökumanni. Hugtakið áhættutaka hefur verið skilgreint á þann hátt að: „...undir það falli tilvik þegar tjónþola hefur verið ljós sú áhætta, sem hann tók, en hann hafi samt lagt sig eða hagsmuni sína í hættu.“ Skal strax tekið fram að hér er ekki verið að tala um eigin sök tjónþola, en hún byggist fyrst og fremst á því að tjónþoli hafi á einhvern hátt gerst sekur um saknæma háttsemi og missir hann því rétt til bóta að hluta eða að öllu leyti. Skilin á milli áhættutöku og eigin sakar tjónþola eru óskýr og ekki verða þau skýrari hvað varðar vinnuslys. Uppbygging ritgerðarinnar er þannig að fyrst verður fjallað almennt um áhættutöku, uppruna og áðurnefnd tengsl hennar við eigin sök, því næst um sakarregluna og ólögmætis-hugtakið og loks verða sjónarmið um áhættutöku í vinnuslysamálum skoðuð. Á það síðastnefnda verður lögð mikil áhersla og þá sérstaklega í formi dóma og túlkunar á þeim.

Birting
18.8.2009


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Heimir_Dunn_forsid... .pdf71,4KBOpinn Forsíða, efnisyfirlit PDF Skoða/Opna
Heimir_Dunn_ritger... .pdf325KBLokaður Meginmál PDF