Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3494
Meginmarkmið rannsóknarinnar var að bera saman starfsfólk einka- og opinberra fyrirtækja og varpa ljósi á samband persónuleika við starfsóöryggi, starfsánægju, stofnanahollustu og starfsaðild í ljósi þeirrar efnahagskreppu sem nú ríkir. Helstu tilgátur voru þær að starfsóöryggi sé meira meðal starfsmanna einkarekinna fyrirtækja og að þeir sem eru taugaveiklaðir finni fyrir meira starfsóöryggi en aðrir. Auk þess var reynt að sýna fram á neikvæð áhrif taugaveiklunar og starfsóöryggis á starfsánægju. Spurningalisti var sendur til 412 starfsmanna fyrirtækja á höfuðborgar-svæðinu og var svarhlutfall 62%. Helstu niðurstöður voru þær að starfsmenn einkafyrirtækja, sérstaklega þeir sem voru háir á taugaveiklun, fundu fyrir meira starfsóöryggi. Einnig kom í ljós að starfsánægja var minni hjá þeim sem fundu fyrir starfsóöryggi en enginn munur var á starfsánægju milli starfsmanna einkafyrirtækja og opinberra. Niðurstöður benda annars vegar til þess að slæmt efnahagsástand hafi meiri áhrif á starfsóöryggi í einkareknum fyrirtækjum og hins vegar til þess að persónuleiki hafi áhrif á starfsóöryggi og stofnanahollustu fólks.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Andres_og_Karl_fixed.pdf | 528.26 kB | Opinn | Heildartexti | Skoða/Opna |