is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3501

Titill: 
  • Trú og neysla: Langsniðsrannsókn á tengslum andlegrar viðleitni, trúar og neyslu eftir meðferð
Námsstig: 
  • Meistara
Útdráttur: 
  • Andleg viðleitni og trú hafa jákvæð tengsl við bata fíknsjúkdóma. Í þessari langsniðsrannsókn voru þessi tengsl skoðuð hjá 86 einstaklingum sem leituðu sér meðferðar við áfengis- og vímuefnavanda á Sjúkrahúsinu Vogi. Í rannsókninni var athugað sérstaklega hvort að sundurgreina megi hugtökin andlega viðleitni og trú og sú tilgáta prófuð að þau áhrif sem trú hefur á bata eftir meðferð séu umfram þau áhrif sem andleg viðleitni hefur. Listar sem mæla andlega viðleitni (SSRS), trúarleg úrræði (TUL) og trúartraust (TTL) voru lagðir fyrir. Þáttagreining þeirra sýndi að SSRS aðgreindist frá TUL og TTL sem bendir til þess að sundurgreina megi hugtökin andlega viðleitni og trú. Neysluvandi við innlögn og fjórum til fimm mánuðum eftir útskrift var metinn með viðtali (ASI) sem athugar vandann á sjö sviðum. Aðfallsgreiningarlíkön með upphafsgildi ASI sem spábreytur og lokagildi ASI fyrir áfengis- og fíkniefnavanda sem fylgibreytur spáðu fyrir um bata eftir meðferð. Þegar trúarlegir og andlegir þættir voru lagðir inn í líkönin komu í ljós tengsl við trúarlega þáttinn ákall í TUL þegar spáð var fyrir um áfengisneyslu, en óljósari tengsl við trúartraustsbreytur þegar spáð var fyrir
    um fíkniefnaneyslu. Engin tengsl komu í ljós við andlega viðleitni.

Samþykkt: 
  • 4.9.2009
URI: 
  • http://hdl.handle.net/1946/3501


Skrár
Skráarnafn Stærð AðgangurLýsingSkráartegund 
2009_fixed.pdf1.83 MBOpinnHeildartextiPDFSkoða/Opna