ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3537

Titill

Bágindi, efnisatriði í misneytingarákvæði samningalaga nr. 7/1936

Leiðbeinandi
Útdráttur

Þessari ritgerð er ætlað að fjalla um það hvernig orðið bágindi er skýrt í misneytingarákvæði samningalaga nr.7/1936 (hér eftir skammstafað sml). Afhverju var það efnisatriði valið en ekki eitthvað annað í greininni? Það réðst einkum af tvennu. Annars vegar að ritgerðarhöfundur hefur í samtölum við aðra komist að því að menn eru ekki sammála um hvað felist í hugtakinu bágindi í lagalegri merkingu og er ef til vill ástæðan sú að þetta orð sé ekki mikið notað í daglegu tali. Hin ástæðan fyrir valinu á ritgerðarefninu eru ummæli Páls Sigurðssonar prófessors í kafla sínum samningarétti í bókinni, Um lög og rétt, þar sem hann fjallar um ógildingarákvæði samningalaga og þar með misneytingarákvæðið. En þar útskýrir hann hvað felist í hugtakinu léttúð í misneytingarákvæðinu, en um önnur hugtaksatriði segir hann að þau ættu að vera auðskilin. Að orðið bágindi sé auðskilið, getur ritgerðarhöfundur svo sem verið sammála en það lýsir ekki inntaki orðsins í lagalegri merkingu og beitingu þess í framkvæmd.
Í þessari ritgerð verður eins og áður sagði lögð aðaláherslan á það að skýra hvað felist í orðinu bágindi í misneytingarákvæði sml., nánar tiltekið við hvaða aðstæður er átt. Eins og ritgerðin gefur til kynna verður aðeins velt fyrir sér lagalegri merkingu og notkun þessa hugtaks.
Við þá athugun verður leitað fanga í rit fræðimanna, íslenskra og danskra en megináherslan verður á birtingarmynd bágindanna í íslenskri dómaframkvæmd. Þó verður aðeins litið til Danmerkur og kannað hver framkvæmdin sé þar á bæ, hvort þeir séu að túlka bágindi með sama hætti. Uppbygging ritgerðarinnar verður þannig að fyrst verða tekin fyrir almenn atriði. Rakin verður saga misneytingarákvæðisins og tilgangur þess. Því næst verður farið beint í orðið bágindi, það skilgreint og farið í kjölfarið í kenningar íslenskra fræðimanna. Stærstum hluta ritgerðarinnar verður hins vegar eytt í íslenska dómaframkvæmd, þar sem birtingarmynd báginda kemur einna helst fram. Þar á eftir verður litið til dansks réttar og að lokum verður reynt að komast að einhverri niðurstöðu um hvað felist í orðinu bágindi í misneytingarákvæði samningalaganna.

Birting
6.6.2009


Skrár
NafnHækkandiStærðRaðanlegtAðgangurRaðanlegtLýsingRaðanlegtSkráartegund
Hildur_Mary_fixed.pdf74,9KBOpinn Meginmál PDF Skoða/Opna
Hildur_Mary_forsid... .pdf73,3KBOpinn Forsíða PDF Skoða/Opna