Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3678
Í ritgerðinni fjalla ég um stjórnarsáttmála út frá þróun, gerð og vægi. Í öðrum kafla ritgerðarinnar útskýri ég uppruna þeirra og kem inn á hvernig rannsóknum á þeim hefur verið háttað hingað til. Ég greini síðan stjórnarsáttmála út frá efni, umfangi og þróun. Þá reyni ég að meta mikilvægi stjórnarsáttmála út frá þörf og aðhaldshlutverki þeirra. Í kafla þrjú fjalla ég um stjórnarsáttmála á Íslandi. Þar rek ég aðdragandann að fyrsta stjórnarsáttmálanum árið 1934 og þróun þaðan í frá. Ég dreg fram skilgreiningu á ferli við stjórnarmyndanir og fjalla um hvernig meirihlutastjórnir eru ráðandi form í íslenskum stjórnmálum. Svo greini ég nánar gerð íslenskra stjórnarsáttmála út frá lengd, stefnumálum og aðhaldshlutverki. Í fjórða kaflanum skoða ég hvort stjórnarsáttmálar endurspegli kosningastefnuskrár flokkanna í stjórnarsamstarfinu. Til þess nota ég kosningastefnuskrár úr gagnasafni sem hafa verið kóðaðar eftir skilgreindum málaflokkum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
sdg_fixed.pdf | 666.04 kB | Lokaður | Heildartexti |