ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/368

Titill

Áhrif spænskukennslu með snertingu og skilningi á birtingu íslenskra og spænskra innyrðinga hjá fimm ára leikskólabörnum

Útdráttur

Skinner (1957) setti fram virknikenningu um tungumál, eða yrta hegðun, þar sem hann lýsti meðal annars, yrtum svarflokkum sem hann nefndi snertingu (tact) og innanyrðingu (intraverbal). Fyrri rannsóknir á kennslu flokkunarfærni benda til þess að börn á leikskólaaldri sem læra ákveðin orð sem snertingar, eða fá kennslu í skilningi (comprehension) orða, tileinki sér ekki auðveldlega sömu orð sem innnayrðingar án þess að þær séu kenndar sérstaklega. Rannsóknin sem hér er greint frá samanstóð af tveimur einstaklingstilraunum sem höfðu það að markmiði að athuga hvort sams konar niðurstöður fengjust þegar viðfangsefni kennslu var orðaforði í erlendu tungumáli. Rannsókninni var ætlað að kanna hvort hægt væri að kenna fimm ára börnum spænsk heiti dýra og ávaxta með snertingu og skilningi og ætla að innanyrðingar lærðust af sjálfu sér. Hverjum þátttakanda voru kennd 12 spænsk orð, sex dýraheiti og sex heiti ávaxta, og var margfalt grunnlínusnið yfir tvo flokka orða (dýr og ávexti) notað til að meta áhrif kennslunnar á birtingu spænskra og íslenskra innanyrðinga. Í tilraun 1, voru þátttakendur tvö börn sem kennt var með snertingu og urðu niðurstöður þeirrar tilraunar þær að kennsla í snertingu skilaði sér í birtingu innanyrðinga. Í tilraun 2, fengu tvær stúlkur kennslu í skilningi og voru niðurstöður ólíkar niðurstöðum fyrri tilraunar, þar sem íslenskar innanyrðingar birtust hjá báðum stúlkunum en spænskar innanyrðingar einungis hjá annarri. Rannsóknin bendir til þess að börn sem læri erlend orð sem snertingar, eða fá kennslu í skilningi erlendra orða, tileinki sér innanyrðingar án þess að þær séu kenndar sérstaklega.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2006


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
spaenskukenn-e.pdf194KBLokaður Áhrif spænskukennslu með snertingu og skilningi á birtingu íslenskra og spænskra innyrðinga hjá fimm ára leikskólabörnum - efnisyfirlit PDF  
spaenskukenn-h.pdf126KBOpinn Áhrif spænskukennslu með snertingu og skilningi á birtingu íslenskra og spænskra innyrðinga hjá fimm ára leikskólabörnum - heimildaskrá PDF Skoða/Opna
spaenskukenn-u.pdf119KBOpinn Áhrif spænskukennslu með snertingu og skilningi á birtingu íslenskra og spænskra innyrðinga hjá fimm ára leikskólabörnum - útdráttur PDF Skoða/Opna
spaenskukenn.pdf438KBTakmarkaður Áhrif spænskukennslu með snertingu og skilningi á birtingu íslenskra og spænskra innyrðinga hjá fimm ára leikskólabörnum - heild PDF