Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3691
Í þessari rannsókn er leitast við að fá innsýn í starf skólameistara í framhaldsskólum og reynt að fá hugmynd um áhrif þeirra á skólastarf og áherslur í starfi ásamt viðhorfum til álags og ágreiningsmála. Byggt á hugmyndafræði eigindlegrar aðferðafræði voru tekin viðtöl við fimm skólameistara, einn framhaldsskólakennara og eitt rýnihópsviðtal við þrjá framhaldsskólakennara. Viðtölin voru flokkuð niður eftir sameiginlegum atriðum sem komu fram og voru einnig sett fram sem frásagnir viðmælendanna. Helstu niðurstöður voru ræddar út frá kenningum um stjórnun og samskipti. Meginniðurstöðurnar voru þær að skólameistarar og kennarar telja að skólameistarar hafi töluverð persónuleg áhrif á skólastarf. Þeir nota til þess ýmis stjórntæki eins og hvernig þeir ráða starfsfólk, huga að aðstæðum á vinnustað, haga skipulaginu, skipta niður yfirvinnu og hvernig þeir koma fram við starfsmenn og nemendur. Beiting þessara stjórntækja fer að einhverju leyti eftir persónulegri sýn skólameistaranna en þessir fimm skólameistarar í rannsókninni virtust falla í þrjá flokka eftir persónulegum áherslum sínum. Flokkarnir eru: Mannlegi þátturinn, nám og kennsla og stofnunin. Út frá svörum kennaranna má draga má þann lærdóm að suma skólameistara vantar ráðgjafa. Einnig má sjá af rannsókninni hvað er gott og hvað má forðast í stjórnun framhaldsskóla að mati þeirra kennara sem tóku þátt.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
skolameistararitgerd_fixed.pdf | 1.02 MB | Opinn | Heildartexti | Skoða/Opna | |
skolameistarar_heimildaskra_fixed.pdf | 112.66 kB | Opinn | Heimildaskrá | Skoða/Opna |