Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3701
Greinargerð þessi er hluti af heildstæðu kennsluferli um Norðurlöndin með höfuðáherslu á leiklist í kennslu. Höfundar ákváðu að taka fyrir námsefni sem allir nemendur miðstigs þurfa að fara í gegnum. Námsefnið um Norðurlönd gefur marga möguleika á fjölbreyttum kennsluaðferðum og er ætlun höfunda að leggja þar inn sinn skerf. Höfundar eru báðir á kjörsviðinu tónlist, leiklist, dans og hafa báðir valið leiklistina fremur hinu. Að því gefnu verður leiklist stór hluti af kennsluferlinu en einnig verða verkefnin tengd öðrum fögum. Við komum til með að nýta margbreytileika kennsluaðferðanna, sem við höfum lært í námi okkar við Háskóla Íslands, meðal annars með tillögum að samþættingu námsgreina og þverfaglegri kennslu.
Ástæða þess að höfundar völdu námsefni um Norðurlöndin er sú að þeir telja að bæta megi við það kennsluefni sem fyrir er. Í dag er aðeins til námsefni um Norðurlöndin í bundnu máli og því er spennandi að búa til námsefni sem býður upp á fjölbreyttar kennsluaðferðir og samþættingu námsgreina. Höfundar sjá sér einnig hag í því að búa þetta námsefni til þar sem þeir gætu nýtt það í kennslu í framtíðinni.
Ávinningur verkefnisins verður vonandi sá að hér verði hægt að nálgast heildstætt ferli leiklistar og hugmyndabanka sem kennarar geta nýtt að eigin vild til að dýpka skilning nemenda á námsefninu um Norðurlöndin. Einnig mun leiklistin væntanlega ýta undir sjálfstæð vinnubrögð og hugmyndaríka útfærslu á verkefnum sem eru á ábyrgð hvers nemanda. Höfundar telja að með því að nýta fjölbreyttar kennsluaðferðir muni nemendur njóta sín á eigin forsendum.
Lykilorð: Fjölbreyttar kennsluaðferðir.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Heildstætt kennsluferli um Norðurlöndin Greinargerð.pdf | 429.39 kB | Opinn | Greinargerð | Skoða/Opna | |
Norðurlöndin heildstætt kennsluferli.pdf | 3.64 MB | Opinn | Kennarahandbók | Skoða/Opna |