is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3728

Titill: 
  • Bágindi í skilningi 31. gr. laga nr. 7/1936 um samningsgerð, umboð og ógilda löggerninga
Námsstig: 
  • Bakkalár
Leiðbeinandi: 
Útdráttur: 
  • Viðfangefni ritgerðar þessarar er að brjóta til mergjar og skýra efnisskilyrði báginda í 31. gr. laga nr. 7/1936 um samningsgerð, umboð og ógilda löggerninga, sem eru í daglegu tali nefnd samningalög (hér á eftir skammstafað sml.). Í því skyni mun höfundur sérstaklega kanna bágindi í úrlausnum dómstóla til að greina hvaða afbrigði báginda eru líklegust til þess að valda ógildingu samninga á grundvelli 31. gr. sml.
    Í upphafi ritgerðarinnar verður gerð grein fyrir meginreglum og undantekningum samningaréttar, auk þess sem réttarsviðið verður skýrt nánar. Þetta er gert til þess að varpa ljósi á hvernig samspili meginreglna og undantekninga er háttað í framkvæmd, þannig að augljóst sé strax frá upphafi að 31. gr. sml. er undantekningarheimild. Því næst verður fjallað nánar um efni 31. gr. sml. Þannig verður farið í uppruna greinarinnar, meginskilyrði, önnur efnisskilyrði og einkaréttarleg áhrif 31. gr. sml. Áður en skilið verður við umfjöllun um 31. gr. sml. verður stuttlega farið í refsiákvæði almennra hegningarlaga um misneytingu. Næst verður tekin fyrir hugtaksskilgreining báginda. Í byrjun verður kynnt til sögunnar hugtaksskilgreining báginda samkvæmt almennum málsskilningi. Því næst verður efnisinntak hugtaksins skoðað skv. 31. gr. sml. og síðan verður skoðað hvernig hugtakið birtist í samningalögum hinna Norðurlandanna. Þá verður gerð grein fyrir því hvernig bágindi hafa verið túlkuð í skilningi misneytingarákvæðis erfðalaga, þar sem ógildingu erfðagerninga svipar til ógildingar almennra löggerninga. Þá tekur við umfjöllun um túlkun Hæstaréttar Íslands á hugtakinu bágindi í skilningi 31. gr. sml. Þannig verða tekin fyrir ýmis afbrigði báginda og kannað hvort í dómasafni Hæstaréttar fyrirfinnist dómar er varða tiltekin afbrigði hugtaksins. Athuga ber í þessu sambandi að í þessari ritgerð verður áhersla lögð á íslenska dómaframkvæmd. En í þeim tilvikum þegar engum dómum er fyrir að fara um ákveðið afbrigði báginda, tekur höfundur sér bessaleyfi að líta til danskrar dómaframkvæmdar, þar sem ætla má að dómaframkvæmdin þar sé keimlík.
    Að lokinni umfjöllun um dómaframkvæmd Hæstaréttar verða ályktanir höfundar af dómunum dregnar saman í heildstæðri umræðu og kynntar verða til sögunnar helstu niðurstöður höfundar. Loks er í lok ritgerðarinnar að finna lokaorð höfundar þar sem rök verða færð fyrir því að efnisskilyrðið báginda í skilningi 31. gr. sml. hafi raunhæft gildi nú og muni halda gildi sínu á komandi árum.

Samþykkt: 
  • 28.5.2009
URI: 
  • http://hdl.handle.net/1946/3728


Skrár
Skráarnafn Stærð AðgangurLýsingSkráartegund 
MHH_fixed.pdf334.69 kBOpinnHeildartextiPDFSkoða/Opna