is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3742

Titill: 
  • 247. gr. almennra hegningarlaga nr. 19/1940. Fjárdráttur í opinberu starfi
Námsstig: 
  • Bakkalár
Útdráttur: 
  • Í þessu ritgerðarkorni verður fjallað um fjárdráttarákvæði 247. gr. almennra hegningarlaga nr. 19/1940. Verður fjallað almennt um fjárdrátt þ.e. sögu ákvæðisins, hugtakið fjárdráttur skilgreint og staða fjárdráttar innan lögfræðinnar afmörkuð.
    Þá verður farið í að gera skýran greinarmun á fjárdrætti og öðrum ákvæðum XXVI. kafla hgl. sem fjallar um auðgunarbrot þar sem 247. gr. hgl. skarast oftar en ekki á við önnur ákvæði kaflans. Kemur slík skörun skýrt fram í dómaframkvæmd þar sem oftar en ekki reynist erfitt að greina á milli ákvæða. Ekki gefst svigrúm til að bera saman öll ákvæði innan auðgunarbrotakafla hgl. , enda væri slíkt efni í aðra ritgerð. Þess í stað verður leitast við að aðgreina fjárdrátt skv. 247. gr. gagnvart fjársvikum, sbr. 248. gr. hgl. þar sem oftar en ekki reynir á skilin milli þessara tveggja atriða í réttarframkvæmd. Í ritgerðinni verður leitast við að skýra grundvallarhugtök fjárdráttar. Er það gert til að gera fjárdrætti fyllileg skil og til að öðlast frekari skilning á inntaki hans. Í því samhengi verður auðgunarásetningur hgl. skoðaður, fjallað verður um fjárdrátt sem einhliða brot og rætt um ákveðin hugtök sem felast í fjárdrætti eins og tileinkunar- og vörsluhugtak fjárdráttar.
    Ef íslensk réttarframkvæmd er skoðuð, með tilliti til fjárdráttarbrota, kemur í ljós að fjárdráttur í opinberu starfi er sú tegund fjárdráttarbrota sem oftar en ekki reynir á. Í þessari ritgerð verður fléttað saman umfjöllun um 247. gr. hgl. við 138. gr. sömu laga, en sú grein er refsihækkunarheimild sem heimilar að aukið sé við refsingu allt að helmingi hennar ef brot er framið í opinberu starfi. Í kjölfarið verður gert grein fyrir hverjir geti talist til opinberra starfsmanna í skilningi hgl.

Samþykkt: 
  • 5.6.2009
URI: 
  • http://hdl.handle.net/1946/3742


Skrár
Skráarnafn Stærð AðgangurLýsingSkráartegund 
Palmar_Petursson_Forsida_fixed.pdf26.24 kBOpinnForsíðaPDFSkoða/Opna
Palmar_Petursson_Meginmal_fixed.pdf216.08 kBOpinnMeginmálPDFSkoða/Opna