is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3773

Titill: 
  • Smásagnasveigur. Ný bókmenntagrein á gömlum grunni
Námsstig: 
  • Bakkalár
Útdráttur: 
  • Hin nýja bókmenntagrein smásagnasveigur var fyrst skilgreind á áttunda áratug nítjándu aldar, en þá hafði myndast mikil þörf fyrir að formið fengi fræðilega viðurkenningu. Þörfin verður best greind af deilum bókmenntafræðinga þess tíma, sem áttu erfitt með að flokka slík verk þar eð þau gátu bæði tilheyrt skáldsögum og smásagnasöfnum.
    Í þessari ritgerð er smásagansveigur skilgreindur sem safn smásagna eða örsagna eftir sama höfund sem hefur það umfram hefðbundið smásagnasafn að sögurnar tengjast allar innbyrðist. Við þessar tengingar skapast merkingarbær heild sem dýpkar og víkkar út hið sameiginlega umfjöllunarefni sagnanna.
    Síðan fyrst var sett fram skilgreining á smásagnasveig hefur hún verið í mikilli þróun og mótun og stendur sú umræða ennþá yfir þar sem samkomulag hefur ekki náðst um mikilvæga þætti. Meðal þess sem fræðimenn greinir á um er heitið á bókmenntagreininni, en þær deilur einkennast annars vegar af því hvort það eigi frekar að skírskota til sjálfstæðis smásagnanna eða heildarinnar sem þær skapa. Hins vegar er deilt um hvaða skyldleikatengslum við aðrar bókmenntagreinar sé farsælast að halda á lofti þegar smásagnasveigurinn er annars vegar.
    Orðið sem hér er lagt til að verði tekið upp sem íslensk heiti á þessu nýja bókmenntaformi er smásagnasveigur, en nú þegar hafa verið skrifuð þó nokkur verk af því tagi hér á landi og má sem dæmi nefna: Hinsegin sögur og Ástir samlyndra hjóna eftir Guðberg Bergsson, Skurðir í rigningu og Sumarljós og svo kemur nóttin eftir Jón Kalman Stefánsson og Sögur úr seinni stríðum og Sögur úr Síðunni eftir Böðvar Guðmundsson.
    Með því að taka saman sögulega þætti og fræðileg einkenni bókmenntagreinarinnar er vonast til þess að íslenskir fræðimenn sem og bókasafnsfræðingar viðurkenni smásagnasveiginn sem sérstaka bókmenntagrein. Vonir standa jafnframt til þess að slík viðurkenning leiði til þess að verkin sem falla undir þetta bókmenntaform verði skráð með viðeigandi hætti innan bókasafnskerfisins.

Samþykkt: 
  • 1.10.2008
URI: 
  • http://hdl.handle.net/1946/3773


Skrár
Skráarnafn Stærð AðgangurLýsingSkráartegund 
Asta_Halldora_Olafsd_Efnisyfirlit_fixed.pdf7.78 kBOpinnEfnisyfirlitPDFSkoða/Opna
Asta_Halldora_Olafsd_forsida_fixed.pdf30.84 kBOpinnForsíðaPDFSkoða/Opna
Asta_Halldora_Olafsd_meginmal_fixed.pdf288.43 kBOpinnMeginmálPDFSkoða/Opna
Asta_Halldora_Olafsd_titilsida_fixed.pdf7.85 kBOpinnTitilsíðaPDFSkoða/Opna
Heimildaskra_fixed.pdf61.71 kBOpinnHeimildaskráPDFSkoða/Opna