Ritgerð þessi var unnin sem lokaverkefni til B.Ed. gráðu við Kennaraháskóla Íslands vorið 2007. Í ritgerðinni fjöllum við um lestur og lestrarkennslu, gildi bókmennta í yngri barna kennslu og kennsluaðferð sem vakti áhuga okkar við nám okkar hér í KHÍ og nefnist söguaðferð. Einnig útbjuggum við söguramma og kennsluleiðbeiningar út frá bókinni Sól skín á krakka eftir Sigrúnu Eldjárn. Það að skipuleggja áhugaverð verkefni upp úr bókmenntum fyrir nemendur getur stuðlað að auknum áhuga á lestri bóka sem aftur stuðlar að aukinni lestrarfærni.