is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3830

Titill: 
  • Setningafræði á tímamótum. Grunnskóli - framhaldsskóli. Aðalnámskrá 1999 - aðalnámskrá 2007. Hver er staða setningafræðinnar á þessum tímamótum?
Námsstig: 
  • Meistara
Útdráttur: 
  • Ritgerð þessi fjallar um stöðu setningafræði innan íslenskukennslu í grunn- og
    framhaldsskóla. Fyrst eru höfð nokkur orð um nýja menntastefnu sem birtist líkt og
    rauður þráður í nýjum lögum um grunn- og framhaldsskóla sem sett voru þann 12. júní
    2008. Helstu áhersluatriði þessarar nýju menntastefnu eru jafnframt tíunduð.
    Aðalnámskrár grunn- og framhaldsskóla fyrir íslensku 1999 og 2007 eru skoðaðar með
    vægi setningafræði í huga og raktar helstu breytingar sem urðu við endurskoðun eldri
    námskránna. Tilgangurinn var að varpa ljósi á hver stefna stjórnvalda væri í þessum
    efnum.
    Í framhaldinu voru samræmd lokapróf í íslensku í 10. bekk skoðuð með það
    fyrir augum að sjá hvaða vægi setningafræðin hefði innan þeirra. Miðað var við
    tímabilið frá því að fyrri aðalnámskrá grunnskóla tók gildi og að gildistöku þeirri seinni
    eða árin 2000-2008. Þar sem ný lög um grunnskóla (nr. 91/2008) kölluðu á breytingar á
    samræmdu prófunum í 10. bekk voru helstu breytingar tíndar til samhliða umfjöllun um
    prófin ásamt því að nýjar og gamlar reglugerðir um samræmd próf voru skoðaðar.
    Þá var lögð fyrir könnun í grunn- og framhaldsskólum í því skyni að finna út
    hvert vægi setningafræðinnar væri innan íslenskukennslunnar. Sama könnun var lögð
    fyrir bæði stigin og var hún send út með tölvupósti til skólanna. Helstu niðurstöður er
    þó raktar eftir því um hvort skólastigið var að ræða. Var það gert til að hægt væri að
    bera niðurstöðurnar saman við áherslur aðalnámskránna.
    Undir lokin var vöngum velt yfir stöðu setningafræðinnar á þessum tímamótum,
    þ.e. við mörk grunn- og framhaldsskóla og við endurskoðun aðalnámskráa fyrir þessi
    tvö skólastig. Einnig var reynt að spá í nánustu framtíð hennar þótt enn væru of margir óvissuþættir í gangi.

Styrktaraðili: 
  • Grunnskóli Dalvíkurbyggðar
Samþykkt: 
  • 1.10.2009
URI: 
  • http://hdl.handle.net/1946/3830


Skrár
Skráarnafn Stærð AðgangurLýsingSkráartegund 
_2__fixed.pdf8.58 MBOpinnHeildartextiPDFSkoða/Opna