Landafræði í leikskóla er lokaverkefni til B.Ed.-gráðu á Menntavísindasviði við
Háskóla Íslands vorið 2009. Verkefnið er tvíþætt, annars vegar greinargerð og hins
vegar hugmyndabanki með viðfangsefnum sem byggjast á landafræði og útinámi.
Greinargerðin er fræðileg dýpkun á verkefnunum, innihaldi þeirra sem og tengingu
þeirra við markmið Aðalnámskrár leikskóla. Hugmyndabankinn inniheldur átta
verkefni sem nýtast eiga leikskólakennurum í Vesturbæ Reykjavíkur eða kennurum
yngstubarna á sama svæði. Meginmarkmiðið með hugmyndabankanum er að safna
saman hugmyndum að vettvangsferðum og viðfangsefnum sem tengjast landafræði.
Þá á hann að vera kennurum innblástur til að fara út og skoða nærumhverfi sitt út frá
sjónarhorni landafræðinnar.