Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3886
Sýndarveruleiki (SV) er tækni sem gerir fólki kleift að upplifa
þrívíddartölvueftirlíkingu af umhverfi í rauntíma. SV er blekking og þegar
vel tekst til upplifir fólk sýndarumhverfi (SU) alveg eins og raunverulegt
umhverfi. Eftir fjölda rannsókna þar sem kannað hefur hvort SV hafi
hagnýtt gildi í sálfræðimeðferð má segja að til hafi orðið nýtt
meðferðarform: sýndarveruleikaberskjöldunarmeðferð (SVBM). SVBM er
hagað eins og öðrum tegundum af berskjöldunarmeðferð en notast er við
SU sem hefur marga kosti í för með sér – en einnig galla. Byrjað var að
rannsaka hvort SVBM gæti verið árangursrík sem meðferð á afmarkaðri
fælni og rannsóknir sýna að SVBM geti reynst vel við lofthræðslu og
flughræðslu. Forsenda þess að SVBM gagnist fólki er að það skynji nánd
SU og er það jafnvel auðveldara fyrir fólk með mikla fælni. Vísindalegur
bakgrunnur rannsókna um gagnsemi SVBM við öðrum kvíðaraöskunum en
lofthræðslu og flughræðslu er ekki jafngóður. Bundnar eru miklar vonir að
SVBM geti verið áhrifarík meðferð við félagsfælni, áfallastreituröskun,
felmtursröskun með víðáttufælni og lofa rannsóknir góðu. Rannsóknir sýna
að SV geti einnig hugsanlega reynst vel við meðferð eða greiningu á
öðrum geðröskunum og vandamálum eins og athyglisbrest og ofvirkni,
fíkn og átröskunum. Framtíðarmöguleikar SV eru miklir innan sálfræðinnar bæði við rannsóknir og meðferð.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Ingvar_Orri_Bjorgvinsson_fixed.pdf | 1.02 MB | Lokaður til...01.06.2052 | Heildartexti |