ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3906

Titill

Möguleikar á fiskinnflutningi til Fílabeinsstrandarinnar. Markaðsgreining á Fílabeinsströndinni

Útgáfa
Febrúar 2009
Útdráttur

Ferli alþjóðavæðingar fyrirtækja hefur verið rannsakað töluvert undanfarna tvo áratugi í kjölfar aukinna alþjóðaviðskipta. Tvær svipaðar rannsóknir hafa komið upp í Evrópu og í Bandaríkjunum. Þessar rannsóknir gerðu ráð fyrir því að þróun fyrirtækja í alþjóðaviðskiptum væri stigvaxandi ferli sem byrjaði á útflutningi. Undanfarin 10 ár hafa nýjar rannsóknir á alþjóðaviðskiptum fyrirtækja leitt það í ljós að það eru ekki öll fyrirtæki sem fara þessa stigvaxandi leið. Markmið þessarar rannsóknar er að markaðsgreina Fílabeinsströndina og að komast að því hvaða inngönguleið hentar Fyrirtækinu. Rannsóknarspurningin er því; Á Fyrirtækið að hefja sjálft sölu á afurðum sínum á markaði Fílabeinsstrandarinnar og ef, hvaða inngönguleið á það að nota? Niðurstöður sýna að Fyrirtækið ætti að færa sig lengra inn í virðiskeðjuna, þannig mun hagnaður þess aukast. Fyrirtækið þarf þó að sýna fyrirhyggju vegna þess að það er áhætta fyrir það að fara inn á markað Fílabeinsstrandarinnar. Áhættan felst helst í óvissu hvað varðar eftirspurn, samkeppnisaðila, kostnað, vöntun á upplýsingum og aðrar aðstæður eins og pólitískur óstöðugleiki. Fyrirtækið getur takmarkað áhættu með því að velja inngönguleið sem er sveigjanleg og þarfnast ekki mikillar fjárfestingar né skuldbindinga. Ráðlegast væri fyrir Fyrirtækið að fara stigvaxandi leið inn á markað og byrja á beinum útflutningi með aðstoð innlends umboðsmanns. Beinn útflutningur er inngönguleið sem felur ekki í sér mikla skuldbindingu eða fjárfestingu, er sveigjanleg og felur ekki í sér mikla áhættu. Með tímanum lærir Fyrirtækið inn á markað Fílabeinsstrandarinnar og þá getur það farið í beina fjárfestingu. Beinni fjárfestingu fylgir mikil skuldbinding og fjárfesting, einnig áhætta og ósveigjanleiki. Val á þessum inngönguleiðum fer þó helst eftir því hve mikla áhættu Fyrirtækið er tilbúið að taka. Helstu takmarkanir rannsóknarinnar eru skortur á upplýsingum og að sumar upplýsingar eru gamlar. Einnig voru ekki notuð gögn sem skrifuð eru á frönsku, en það er takmörkun því opinbera tungumál landsins er franska og því líklegast til ýmis gagnleg gögn á því tungumáli. Ritgerð þessi er trúnaðarmál til 1.febrúar árið 2012.

Birting
6.10.2009


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
Hallveig_Jonsdotti... .pdf1,83MBOpinn Heildartexti PDF Skoða/Opna