is Íslenska en English

Lokaverkefni (Bakkalár)

Háskóli Íslands > Verkfræði- og náttúruvísindasvið > B.S. verkefni - Verkfræði- og náttúruvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3942

Titill: 
  • ASH2L. Rannsókn á tjáningu ASH2L (absent, small or homeotic discs-2-like) í völdum brjóstafrumulínum
Námsstig: 
  • Bakkalár
Útdráttur: 
  • Brjóstakrabbamein er eitt af algengustu krabbameinum í konum á Vesturlöndum og þar er tíðnin hærri en í öðrum heimshlutum. Brjóstakrabbamein getur myndast þegar margar stökkbreytingar hafa náð að hlaðast upp í ákveðnum genum. Þá verða frumurnar fyrir röskun, þær geta haldið áfram að fjölga sér og fara ekki í frumudauða. Æxlisgen og æxlisbæligen koma við sögu í myndun brjóstaæxla. Margar rannsóknir hafa verið gerðar á litningasvæðið 8p11-p12, bæði í brjóstaæxlum og brjóstakrabbameins-frumulínum. Sumar frumulínur eru með mögnun á 8p11-p12 á meðan aðrar eru með tap á þessu svæði. Einnig hafa fundist hugsanleg æxlisgen á 8p11-p12 og niðurstöður úr a.m.k. einni rannsókn hafa staðfest nokkur gen. Genið ASH2L er staðsett á litningasvæði 8p11.2 og er 34Kb að stærð. Prótínið Ash2l myndar þrjú ísóform með valsplæsingu, en ísóform 3 hefur ekki verið staðfest enn.
    Markmið verkefnisins var að athuga hvort aukin prótíntjáning á Ash2l væri í samræmi við aukinn eintakafjölda ASH2L gensins í brjóstakrabbameinsfrumulínum.
    Ræktaðar voru 8 frumulínur: SUM52, CAMA-1, HCC1500, T47D, ZR-75-1, MDA-MB-231, MCF7og SUM229. MCF10A er nærri því eðlileg brjóstafrumulína og var höfð til viðmiðunar. Prótín voru einangruð úr frumulínunum og prótínstyrkurinn var ljósmældur. Síðan var gerð Western blettun, 2 filmur voru framkallaðar og að lokum var prótíntjáningin reiknuð.
    Þær frumulínur sem voru með DNA mögnun á 8p11.2 og aukningu á prótíntjáningu Ash2l voru SUM52, CAMA-1, HC1500, T47D og ZR-75-1 og þær sem voru með tap á 8p11.2 og lægri prótíntjáningu á Ash2l voru MDA-MB-231 og MCF7. Ekki er hægt að segja til um hvort SUM229 sé eðlileg eða með tap á 8p11.2, þar sem hún er ýmist eðlileg eða með tap á 8p11-p12. Engar niðurstöður fengust fyrir MCF10A.
    Rannsaka þarf betur ASH2L til þess að komast að því hvort það sé æxlisgen.

Samþykkt: 
  • 7.10.2008
URI: 
  • http://hdl.handle.net/1946/3942


Skrár
Skráarnafn Stærð AðgangurLýsingSkráartegund 
Johanna_Kristbjorg_fixed.pdf543.95 kBOpinnHeildartextiPDFSkoða/Opna