ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/404

Titill

Þorskeldi og uppbygging Brims fiskeldis ehf. í Eyjafirði

Útdráttur

Í verkefninu er fjallað um þorskeldi, markaðstöðu eldisþorsk, uppbyggingar- og þróunarstörf hjá Brim fiskeldi ehf. og arðsemi uppbyggingar á vegum fyrirtækisins. Markmið verkefnisins er að gefa góða yfirsýn yfir stöðu mála í þorskeldi, markaðsmálum og kanna mikilvægi helstu kostnaðarþátta fyrir arðsemi þorskeldis.
Síðustu 5 ár hefur aukning í sölu á ferskum þorskflökum frá Íslandi numið tæpum 136% en á sama tíma hefur útflutningur á ferskum heilum þorski nánast staðið í stað. Líklegt er talið að aleldisþorskur henti best á markað fyrir fersk flök og á þeim markaði fæst jafnan hæsta skilaverð á kg upp úr sjó. Niðurstöður vinnslutilraunar sýndu að nýting aleldisþorsks var 2,7% meiri en á sambærilegri stærð af villtum þorski og 8,6% hærra meðalverð fæst fyrir afurðir aleldisþorsks.
Brim fiskeldi ehf. hefur verið leiðandi í þróun þorskeldis hér á landi undanfarin ár en fyrirtækið hefur farið varlega í uppbyggingu. Frekari uppbygging mun taka mið af því hvernig til tekst með kynbætur á þorski á næstu árum. Eldisrými Brims fiskeldis ehf. er í dag 41.222 rúmmetrar ef tekið er tillit til eigna í eldisbúnaði. Þetta eldisrými gefur möguleika á um 1000 tonna lífmassa af þorski (25 kg/m3).
Mat á arðsemi þorskeldis sem byggt er á aleldisseiðum og 22 mánaða eldistíma sýnir að framleiðslan skilar ekki arði eins og staðan er í dag. Fóður- og afurðaverð eru þeir þættir sem hvað helst hafa áhrif á afkomu eldisins. Seiðaverð hefur minni áhrif á heildarafkomuna en framleiðslukostnaður á hvert kg er þó undir áhrifum seiðaverðs. Samkvæmt matinu er útlit fyrir að árangur kynbóta leiði til ríflega 8% lækkunar framleiðslukostnaðar á 10 árum og má rekja það beint til aukins vaxtarhraða.
Niðurstaða verkefnisins er sú að þorskeldi byggt á aleldisseiðum verði ekki arðbært fyrr en kynbætur fara að skila árangri í formi aukins vaxtarhraða. Þorskeldi mun samkvæmt þessu enn um sinn vera á tilraunastigi. Þau rannsóknarverkefni sem brýnast er að leysa til þess að þorskeldi geti orðið arðbært eru: aukning vaxtarhraða, þróun bóluefna gegn helstu sjúkdómum og að seinka eða koma í veg fyrir ótímabæran kynþroska.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2006


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
brim.pdf1,21MBTakmarkaður Heildartexti PDF  
brim_h.pdf188KBOpinn Heimildaskrá PDF Skoða/Opna
brim_e.pdf176KBOpinn Efnisyfirlit PDF Skoða/Opna
brim_u.pdf144KBOpinn Þorskeldi og uppbygging Brims fiskeldis ehf. í Eyjafirði - útdráttur PDF Skoða/Opna