Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4053
Ritgerð þessi fjallar um sjálfstæðisbaráttu Íslendinga í samhengi þeirrar samfélagslegu
togstreitu sem var á Íslandi frá því um 1800 og fram til 1918. Ég fjalla
því ekki aðeins um deilur við Dani heldur þá innri togstreitu sem átti sér stað í
samfélaginu og tengdust framtíð þjóðarinnar, svo sem milli alþýðu og yfirstéttar,
upplýsingarsinna og rómantíkusa, endurskoðunarsinna og valtýinga, stuðningsmanna
og andstæðinga Uppkastsins og svo framvegis.
Því verður ekki neitað að hagsæld og framtíð íslensku þjóðarinnar fólust í því að
hún myndi stjórna sér sjálf, en á hinn bóginn þurftu Íslendingar ekki síður að fá
sjálfstæði undan vistarbandi, átthagafjötrum, samfélagslegri kúgun og öðrum
fylgifiskum hins íhaldssama bændasamfélags. Þeir þurftu einnig að losna við
áhugaleysið og doðann sem fylgt hafði aldalangri stjórn erlends konungs. Því var
hér um tvöfalda sjálfstæðisbaráttu að ræða. Annars vegar baráttu fyrir að frelsa Ísland
undan Danmörku og hins vegar að frelsa Íslendinga undan samfélagsháttum
sem héldu þeim í fátækt og ómyndugskap.
Ritgerð mín er því ekki aðeins upptalning staðreynda og merkilegra atburða,
heldur miklu fremur vangaveltur um hvað sjálfstæðisbaráttan snerist í raun og
hvers vegna hún skilaði viðunandi niðurstöðum
Skráarnafn | Stærð | Aðgangur | Lýsing | Skráartegund | |
---|---|---|---|---|---|
stefan_bergsson_fixed.pdf | 702.7 kB | Opinn | Ritgerðin öll | Skoða/Opna |