ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/407

Titill

Trúarbragðavefurinn : greinargerð með námsvef um þrenn af áhrifamestu trúarbrögðum heims

Útdráttur

Í fjölmenningarlegu samfélagi er nauðsynlegt að fólk fræðist um siði og gildi annarra menningarhópa en síns eigin. Trúarbrögð eru mikilvægur þáttur hverrar menningar og skilningur á þeim stuðlar að umburðarlyndi og bættum samskiptum manna á milli. Að hunsa tilvist trúarbragða getur hins vegar valdið fordómum og ótta. 21. aldar hæfni eru þeir eiginleikar sem talið er að fólk þurfi að tileinka sér til að vera samfélagslega hæfir á upplýsinga- og tækniöld. Fólk þarf ekki bara að skilja og kunna að notfæra sér þá miðla sem eru við lýði í samfélaginu í dag, heldur einnig að þekkja og skilja mismunandi menningu, trúarbrögð og siði. Netið er mikilvægt tæki til samskipta og upplýsingaöflunnar í leik og starfi. Til að undirbúa nemendur undir störf í þjóðfélaginu er því mikilvægt að tölvan og Netið sé eðlilegt verkfæri í grunnskólum landsins.
Trúarbragðavefnum er ætlað að koma til móts við aukna áherslu á trúarbragðafræðslu í grunnskólum. Á honum að finna kynningu á þremur af áhrifamestu trúarbrögðum heims: gyðingdóm, íslam og búddhadóm. Síðar munu önnur áhrifamikil trúarbrögð bætast í þennan hóp, til dæmis kristni og hindúasiður. Á vefnum er fjallað um þætti sem almennt er talið að flest trúarbrögð eigi sameiginlega eins og sagnir, siðfræði og helgiathafnir. Vefurinn er ríkulega myndskreyttur og á honum er að finna gagnvirk verkefni, tenglasöfn og viðamikinn vefleiðangur um trúarbrögð. Efni þetta er hugsað til að vekja áhuga nemenda á efninu og þjálfa þá í sjálfstæðum vinnubrögðum og gagnrýnni hugsun. Með tilkomu vefjarins opnast möguleikar fyrir kennara að samflétta trúarbragðakennslu við upplýsingamennt. Auk þess getur hann nýsts sem uppflettivefur um trúarbrögð fyrir almenning.

Birting
15.8.2007


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Greinargerð.pdf380KBOpinn Greinargerð PDF Skoða/Opna
Vefur.zip78,7MBOpinn Vefur GNU ZIP Skoða/Opna