is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4133

Titill: 
  • Áhugamál stúlkna með Aspergersheilkenni og svipaðar raskanir á einhverfurófi
Námsstig: 
  • Meistara
Útdráttur: 
  • Í þessari ritgerð verða kynntar niðurstöður eigindlegrar rannsóknar sem ber
    titilinn Áhugamál stúlkna með Aspergersheilkenni og svipaðar raskanir á
    einhverfurófi. Tilgangur rannsóknar var að fá innsýn í áhugamál stúlknanna,
    hvaða þýðingu þau hefðu fyrir þær og hvaða áhrif þau hefðu á nánasta umhverfi
    þeirra, nám, félagsleg samskipti, sjálfsmynd og líðan. Rannsóknarsniðið er
    tilviksathugun (case study) og byggir á nálgun grundaðrar kenningar.
    Upplýsingar um áhugamál stúlknanna voru fengnar með viðtölum við sex
    stúlkur á aldrinum 11-18 ára og mæður þeirra. Niðurstöður leiddu í ljós að
    stúkurnar áttu margt sameiginlegt og áhugamál þeirra voru lík. Fram komu
    skýrar vísbendingar um uppruna og gildi áhugamálanna fyrir stúlkurnar og hvað
    þau skipta þær miklu máli í daglegu lífi. Stúlkurnar virtust nýta áhugamálin til
    að bæta sér upp vanhæfni í félagslegum samskiptum og vinaleysi. Áhugamálin
    sem oftast voru stunduð í einveru, gerðu þeim kleift að dvelja í „annarskonar
    heimi“ þar sem kröfur um samskipti og gagnkvæmni voru minni. Þau
    endurspegluðu oft viðstöðulausa þörf stúlknanna á að teikna, lesa og skrifa.
    Niðurstöðurnar hafa ekki alhæfingargildi en veita innsýn í áhugamál og gildi
    áhugamála stúlkna með Aspergersheilkenni með hjálp þessara sex stúlkna og
    með því að kanna rannsóknir og fræðilegar nálganir. Lögð er áhersla á afmörkun
    og dýpt, og vonast til að niðurstöður geti verið grunnur víðtækari rannsókna.
    Enn fremur veita niðurstöður innsýn í hvaða þættir það eru sem hafa áhrif á
    sjálfsmynd stúlknanna. Málefnum stúlkna á einhverfurófi hefur ekki verið mikill
    gaumur gefinn til þessa og ekki er vitað til þess að áhugamál þeirra hafi verið
    sérstaklega rannsökuð. Mikilvægi rannsóknarinnar felst einnig í því að varpa
    ljósi á margbreytileika og litróf mannlegrar hegðunar í samfélaginu út frá
    sjónarhóli þátttakenda. Til þess að geta mætt þörfum barna og ungmenna með
    raskanir á einhverfurófi af skilningi og virðingu er nauðsynlegt að kanna viðhorf
    þeirra sjálfra og þeirra nánustu.

Samþykkt: 
  • 24.11.2009
URI: 
  • http://hdl.handle.net/1946/4133


Skrár
Skráarnafn Stærð AðgangurLýsingSkráartegund 
LIG_B5_fixed.pdf5.43 MBOpinnHeildartextiPDFSkoða/Opna