is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4178

Titill: 
  • Upplýsingaþörf, upplýsingamiðlun og mikilvægi fjölskyldutengsla í fangelsisvist. Viðhorf aðstandenda fanga og íslenskra afplánunarfanga.
Námsstig: 
  • Meistara
Útdráttur: 
  • Meginmarkmið þessarar rannsóknar var að meta upplýsingaþörf aðstandenda fanga í fangelsisvist og hverjar væru helstu upplýsingar sem fangar gæfu aðstandendum sínum. Einnig að öðlast vitneskju um mikilvægi fjölskyldutengsla fyrir hópana tvo og hverjar tillögur aðstandenda eru að bættri þjónustu. Í rannsókninni var notast við blandaða rannsóknaraðferð þar sem megindlegri spurningalistakönnun og eigindlegum viðtölum var blandað saman í gagnaöflun og úrvinnslu. Svarendur spurningalista voru 66 talsins, 62 karlar og fjórar konur, sem sátu í afplánun þegar listinn var lagður fyrir. Flestir á aldrinum 26-36 ára. Viðmælendur í viðtölum voru fimm, þrjár mæður og tvær sambýliskonur fanga og voru þeir á aldrinum 25-55 ára. Aðstandendur fanga hafa löngum verið falinn hópur innan samfélagsins og sjaldan er hugað að þeim þegar fangi fer til fangelsisvistar. Í áföllum eru upplýsingar mikilvægar og þar sem fangelsisvist einstaklings hefur verið skilgreind sem áfall er vert að huga að upplýsingaþörf aðstandenda fanga í tengslum við fangelsisvist. Bent hefur verið á mikilvægi fjölskyldutengsla fyrir fanga með tilliti til endurkomutíðni í fangelsi. Athyglinni hefur síður verið beint að mikilvægi þess að aðstandendur viðhaldi tengslum við fangann. Af greiningu viðtala má dæma að upplýsingaþörf aðstandenda fanga snýr aðallega að þeim samskiptaleiðum sem í boði eru; hvernig þeir munu geta verið í samskiptum og tengslum við fangann á meðan á fangelsisvistinni stendur. Niðurstöður spurningalista sýndu fram á að samskiptaleiðir eru helsta upplýsingaefni fanga til aðstandenda. Hóparnir tveir töldu jafnframt mjög mikilvægt að viðhalda fjölskyldutengslum í fangelsisvist. Tillögur aðstandenda að bættri þjónustu voru að Fangelsismálastofnun og sú þjónusta sem þar er veitt yrði sýnilegri.

Samþykkt: 
  • 30.12.2009
URI: 
  • http://hdl.handle.net/1946/4178


Skrár
Skráarnafn Stærð AðgangurLýsingSkráartegund 
BerglindMA_fixed.pdf1.74 MBOpinnHeildartextiPDFSkoða/Opna