Þessi ritgerð Ein ég sit og sauma.... ....bútasaum var unnin sem lokaverkefni til B. Ed. gráðu við Kennaraháskóla Íslands vorið 2007. Ritgerðin fjallar í grófum dráttum um bútasaum, sögu hans og aðferðir. Tekin eru sérstaklega fyrir þrjú mynstur og farið gróflega í hvernig þau eru unnin. Fjallað er um bútasaums-kennslu í grunnskólum út frá Aðalnámskrá grunnskóla frá 1999 og lítillega farið í tillögur að verkefnum fyrir grunnskólanemendur. Tímarit Félags textílkennara, Textílmennt, er skoðað og að lokum er fjallað um verklega kennslu og hvaða þættir hafi áhrif á hana.