ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4278

Titill

Verkföll íslenskra kennara: Fjárhagsleg áhrif á þjóðfélagshópa

Útdráttur

Ritgerðin fjallar um verkföll og verkfallsrétt íslenskra kennara. Í henni er tekið dæmi af verkfalli kennara frá aldamótunum 2000/2001 og reynt að svara því hver fjárhagsleg áhrif þess hafi verið á ólíka þjóðfélagshópa.
Við mat á kostnaði og ábata verkfallsmanna vegna verkfallsins er einkum tekið mið af fórnarkostnaði við það að fara í verkfall umfram það að taka lokatilboði viðsemjanda. Við mat á þjóðhagslegum kostnaði vegna verkfallsins leikur greiðsluvilji almennings eða neytendaábati lykilhlutverk.
Í grófum dráttum tók það verkfallsmenn tæpt ár að vinna upp launatap sitt í verkfallinu. Hreinn ábati hvers þeirra í lok samningstímans sem í hönd fór var á verðlagi ársins 2009 að meðaltali um milljón krónur, rúmur milljarður samanlagt fyrir alla verkfallsmenn. Hreinn ábati stéttarfélags og ríkis af verkfallinu var neikvæður en sveitarfélög högnuðust vegna hærri útsvarsgreiðslna en ella. Ekki er víst að framangreind kostnaðarskipting milli starfsmanna, stéttarfélags, ríkis og sveitarfélaga sé dæmigerð fyrir öll verkföll íslenskra kennara.
Áætlað tap nemenda til langs tíma vegna verkfallsins var allt að níu milljörðum en er háð mikilli óvissu. Óhagræði fjölskyldna nemenda vegna verkfallsins var metið á um einn milljarð og samanlagt þjóðhagslegt tap til skamms tíma á um tvo til þrjá milljarða.

Birting
13.1.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
_Lok_fixed.pdf2,55MBOpinn Heildartexti PDF Skoða/Opna