ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Verkfræði- og náttúruvísindasvið>Rannsóknarverkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4387

Titill

Áhrif þreytu á hreyfiferla í mjöðm, hné og ökkla

Útdráttur

Markmið: Markmið rannsóknarinnar var að kanna hvort þreyta hafi áhrif á hreyfiferla í mjöðm, hné og ökkla þegar einstaklingar hlaupa á hlaupabretti. Einnig voru könnuð áhrif þreytu á skreflengd og tíma hlaupahringja. Þátttakendur: Tíu einstaklingar, níu karlar og ein kona, með meðalaldur 25,6 ± 3,6 ár tóku þátt í upphaf rannsóknarinnar. Aðferð: Þátttakendur voru látnir hlaupa á stöðugum hraða, sem fundinn var út frá loftfirrðarþröskuldi hvers þátttakanda, á hlaupabretti þar til þeir mátu þreytu sína í kringum 18 – 19 á Borg skala. Gögnum var safnað með háhraðamyndavél. Við úrvinnslu gagna voru notuð forritin StreamPix 4, KineView®, Excel töflureiknir og SPSS tölfræðiforrit. Af ýmsum tæknilegum ástæðum var einungis hægt að notast við mælingar hjá sjö einstaklingum. Niðurstaða: Marktækar breytingar í mjöðm fengust hjá tveimur einstaklingum þegar hné eru samsíða í stöðufasa. Annar einstaklingurinn sýndi einnig marktæka breytingu þegar hæll fer í gólf. Breytingar í hné voru einnig marktækar hjá tveimur einstaklingum. Annar einstaklingurinn var með marktækar breytingar þegar hæll fer í gólf og þegar hné eru samsíða í sveiflufasa. Hinn einstaklingurinn var með marktækar breytingar þegar tá fer af gólfi. Tveir einstaklingar voru með marktækar breytingar í ökkla, annar þeirra þegar hæll fer í gólf og hinn þegar hné eru samsíða í sveiflufasa. Engar marktækar breytingar urðu á skreflengd og tíma. Ályktun: Þrátt fyrir fáar marktækar breytingar, kemur í ljós að einhver breyting verður á hreyfiferlum í mjöðm, hné og ökkla eftir því sem þreyta eykst. Þrátt fyrir að ekki fengust marktækar breytingar á skreflengd og tíma virðist vera einhver tilhneiging fyrir breytingu með aukinni þreytu.

Birting
1.2.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
lokaloka2_fixed.pdf1,71MBOpinn Heildartexti PDF Skoða/Opna