ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4554

Titill

Fagleg ábyrgð og forysta í samstarfi íslenskra grunn- og tónlistarskóla : um samruna Grunnskólans og Tónskólans á Hólmavík

Útdráttur

Á undanförnum árum hefur færst í vöxt að grunn- og tónlistarskólar hafa átt í nánu samstarfi um marga þætti skólastarfsins. Þetta samstarf hefur í aðalatriðum tekið mið af því að kennsla nemenda við tónlistarskólana hefjist fyrri hluta dagsins og dragist ekki fram eftir kvöldi. Ný menntalög tóku gildi vorið 2008 en í lögunum er heimild til þess að grunn- og tónlistarskólum sé stjórnað á einni hendi. Þetta er jákvætt innlegg í ljósi þess að sveitarfélög hafa viljað ná fram sparnaði í rekstri skólastofnana t.d. með því að lækka stjórnunarkostnað. Það sem skilur að starfsemi grunn- og tónlistarskóla er að grunnskólar sinna lögbundnu hlutverki sem varðar skyldunám barna á grunnskólaaldri en tónlistarskólar sinna valkvæðu tónlistarnámi fyrir alla aldurshópa og starfsemi þeirra er ekki tryggð með lögum. Til að tryggja jafnræði og fagmennsku í stjórnun og samstarfi þessara ólíku skólastofnana hefði mátt búast við því að menntalögin innihéldu greinar sem tryggja mundu tónlistarskólum ákveðinn rétt til jafns við grunnskóla.
Um árabil hafa Grunn- og Tónskólinn á Hólmavík átt í mjög öflugu samstarfi. Samstarfið hefur leitt af sér óformlegan samruna og mikla samþættingu í öllum þáttum starfseminnar. Greint er frá því hvað hefur leitt til þess að mál hafa þróast með þessum hætti á Hólmavík og athyglinni beint sérstaklega að þeim atriðum sem kunna að skipta máli við hugsanlegan samruna íslenskra grunn- og tónlistarskóla. Þetta er gert með það fyrir augum að báðir þessir aðilar geti þá staðið við hlutverk sín sem fagaðilar.
Niðurstaðan bendir til þess að stjórnendur á Hólmavík hafi með ákveðnum vinnubrögðum auðveldað formlegan samruna Grunn- og Tónskólans á Hólmavík sem styrkt hefur innviði beggja skólanna á undanförnum árum. Þrátt fyrir að skólastarfið hafi gengið vel er ljóst að þessi tegund skóla byggir á afar veikum grunni. Grunnurinn er fyrst og fremst persónulegur áhugi stjórnenda í ytra og innra umhverfi skólanna og þeirra foreldra sem er umhugað um að láta skólastarfið ganga vel. Á hverjum degi blasir sá veruleiki við að samkvæmt íslenskum lögum geta foreldrar eða sveitarfélagið hafnað þessari tegund skóla. Á einni nóttu er því hægt leggja niður þann hluta skólastarfsins sem snýr að tónlistaruppeldi án þess að nokkur fái því mótmælt, hvorki stjórnendur, starfsfólk, nemendur eða foreldrar.

Birting
17.3.2010


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
faglegabyrgdogfory... .pdf338KBOpinn Heildartexti PDF Skoða/Opna