ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4626

Titill

Rannsóknarúrræði 29. gr. laga nr. 96/2002 um útlendinga

Útdráttur

Í ákvæði 29. gr. laga nr. 96/2002 er fjallað um rannsóknarúrræði sem hægt er að grípa til í útlendingamálum á grundvelli laganna. Fjallað er ítarlega um hverja málsgrein 29. gr. útl. fyrir sig og leitað fanga í norskum útlendingarétti og íslenskum sakamálarétti þar sem við á. Þar sem íslensku útlendingalögin byggja á þeim norsku mun umfjöllunin taka nokkurt mið af norskri réttarframkvæmd. Markmiðið með umfjölluninni um rannsóknarúrræðin í 29. gr. útl., og samanburði við norsk lagaákvæði sama efnis og ákvæði laga nr. 88/2008 um meðferð sakamála er að fá heildaryfirsýn yfir hvernig beri að beita þessum úrræðum á sviði útlendingaréttar hér á landi. Í 1. mgr. 29. gr. útlendingalaga er fjallað um skyldu útlendings til að veita stjórnvöldum ákveðnar persónuupplýsingar, þ.e. upplýsa um rétt deili á sér. Um hald á munum er síðan fjallað í 2. mgr. 29. gr. útlendingalaga og um leit er fjallað í 3. og 4. mgr. 29. gr. laganna. Í 5. og 6. mgr. 29. gr. útlendinga er fjallað um heimild til töku ljósmynda og fingrafara. Viðamesti kaflinn er umfjöllun um 7. mgr. 29. gr. útl. en þar er að finna úrræði um handtöku og gæsluvarðhald ásamt vægari úrræðum, þ.e. að útlendingi beri að tilkynna sig til lögreglu og útlendingi beri að halda sig á ákveðnu afmörkuðu svæði. Flestir þeir dómar sem hafa fallið hjá Hæstarétti á grundvelli 29. gr. varða 7. mgr. ákvæðisins. Að lokum var fjallað um rannsókn erfðaefnis og töku lífssýnis í því skyni. Þetta úrræði, sem hefur verið í útlendingalögunum síðan 2004, er ekki virkt úrræði hér á landi en aftur á móti er það mjög virkt úrræði í Noregi. Áhugavert er að skoða þær upplýsingar varðandi niðurstöður rannsóknanna í kaflanum og sýna þær hversu mikilvægt úrræði rannsókn erfðaefnis í útlendingamálum er. Á það í raun við um öll þau úrræði 29. gr. útl. Hér á landi hafa þessi úrræði ekki verið mjög virk og varla hægt að tala um að dómaframkvæmd sé til staðar. Vonin er sú að farið verði að nýta fyrir alvöru þau úrræði sem til staðar eru í 29. gr. útl. líkt og gert er í Noregi.

Birting
8.4.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
maria.pdf672KBLokaður Heildartexti PDF