ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4652

Titill

Þróunin á neikvæðu félagafrelsi í íslenskri réttarframkvæmd

Útdráttur

Í þessari ritgerð verður fjallað um þróun neikvæðs félagafrelsis í íslenskri réttarframkvæmd. Byrjað verður á að fjalla um helstu alþjóðasamþykktir er vernda neikvætt félagafrelsi sem Ísland á aðild að. Hér verður litið til Mannréttindasáttmála Evrópu (hér eftir skammstafaður MSE) og Félagsmálasáttmála Evrópu (hér eftir skammstafaður FSE), en þessir sáttmálar hafa haft töluverð áhrif á þróun neikvæðs félagafrelsis í íslenskri réttarframkvæmd, eins og nánar verður vikið að. Í því sambandi verður litið til dóms þar sem Hæstiréttur lítur sérstaklega til 1. og 2. mgr. 11. gr. MSE við túlkun á 74. gr. stjórnarskrá lýðveldisins Íslands nr. 33/1944 (hér eftir skammstöfuð stjskr.). Farið verður yfir vernd 11. gr. MSE á neikvæðu félagafrelsi og dóm Mannréttindadómstóls Evrópu (hér eftir skammstafaður MDE) í máli Sørensen og Rasmussen gegn Danmörku. Sá dómur hefur haft mikil áhrif á vernd neikvæðs félagafrelsis. Þá verður farið yfir gagnrýni sérfræðinganefndar Evrópuráðsins á framkvæmd Íslands á 5. gr. FSE, en sérfræðinganefndin byggir á því sjónarmiði að neikvætt félagafrelsi sé ótvírætt verndað af umræddu ákvæði. Fjallað verður um vernd þágildandi 73. gr. stjskr. á neikvæðu félagafrelsi. Þá verður frumvarp til stjórnarskipunarlaga nr. 97/1995 (hér eftir skammstöfuð stjskl.) skoðað og þau nýmæli sem koma fram í 2. mgr. 74. gr. stjskr., í kjölfarið verður fjallað um greinargerð sem Elín Blöndal gerði fyrir stjórnarskrárnefnd Alþingis vegna 2. mgr. 74. gr. stjskr. Fjallað verður um þau áhrif sem dómur MDE í máli Sigurðar Á. Sigurjónssonar gegn Íslandi hafði á frumvarpið. Litið verður á dóma Hæstaréttar fyrir gildistöku stjskl., þar sem reyndi á rétt manna til að standa utan félaga, af þeim verður dregin ályktun um hvort neikvætt félagafrelsi hafi verið verndað af þágildandi 73. gr. stjskr. Því næst verður litið á dóma Hæstaréttar eftir gildistöku stjskl., þar sem reynir á neikvætt félagafrelsi. Að lokum verður dregin niðurstaða um hversu mikilvægar þessar breytingar hafi verið og hvort þær hafi í raun verið nauðsynlegar.

Birting
14.4.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
HTH.pdf202KBOpinn Heildartexti PDF Skoða/Opna