ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4656

Titill

Andmælareglan og tengsl hennar við upplýsingarétt málsaðila

Útdráttur

Markmið þessarar ritgerðar er að fjalla um andmælaregluna ásamt því að lýsa
tengslum hennar við upplýsingarétt málsaðila. Litið er til þeirrar samstöðu sem ákvæði IV. kafla stjórnsýslulaga nr. 37/1993 hafa og það lagt til grundvallar að líta verði á andmælareglu 13. gr. ssl. sem aðeins einn þátt þess andmælaréttar sem IV. kaflinn tryggir. Þetta ræðst af því að ef annarra ákvæða kaflans nyti ekki við yrði hætt við að rétturinn nýttist ekki aðila sem skyldi. Þetta á sérstaklega við reglu 15. gr. ssl. því ef upplýsingaréttur málsaðila væri ekki fyrir hendi yrði andmælaréttur hans að engu gerður. Var þessi ályktun rökstudd með vísan til nokkurra álita umboðsmanns Alþingis.
Jafnframt er vikið að þeim þætti 13. gr. ssl. sem felur í sér upplýsingaskyldu
stjórnvalda. Sú skylda felur það í sér að stjórnvöldum ber að gefa aðila sérstakt færi á að
kynna sér gögn málsins í þeim tilvikum þar sem aðila er ókunnugt um að ný gögn eða
upplýsingar hafa komið fram í máli hans og telja verður að upplýsingarnar séu honum í óhag. Þá er fjallað um mikilvægi 23. gr. upplýsingalaga nr. 50/1996. Ákvæðið tryggir það að munnlegar upplýsingar um málsatvik sem verulega þýðingu hafa fyrir úrlausn máls liggi ávallt fyrir í gögnum þess. Upplýsingaréttur aðila getur á seinni stigum orðið virkur og er þá mikilvægt að upplýsingarnar sé að finna í gögnum málsins. Upplýsingarétturinn er síðan forsenda þess að andmælaréttur aðila nýtist honum. Jafnframt er fjallað um þær afleiðingar sem brot eða takmarkanir á upplýsingarétti aðila hafa í för með sér. Við þær aðstæður takmarkast jafnframt andmælaréttur málsaðila. Er því mikilvægt að upplýsingaréttur hans sé í heiðri hafður en annars er hætta á því að markmið andmælaréttarins verði fyrir borð borin.

Athugasemdir

Ritgerðin er lokuð til janúar 2011

Birting
15.4.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BA-ritgerð-GJ.pdf318KBOpinn Heildartexti PDF Skoða/Opna