is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4666

Titill: 
  • Aðildarhæfi undireinda lögpersóna
Námsstig: 
  • Bakkalár
Útdráttur: 
  • Yfirleitt er litlum vandkvæðum bundið að skera úr um aðildarhæfi manna. Stendur það úrlausnarefni á mörkum réttarfars og persónuréttar og er almennt frekar auðvelt viðfangs. Línurnar taka nokkuð að óskýrast þegar meta á aðildarhæfi ópersónulegra aðila og með hliðsjón af dómaframkvæmd Hæstaréttar Íslands virðist ekki óvarlegt að ætla að lítil sem engin takmörk séu álitin vera fyrir því að aðildarhæf lögpersóna í skilningi 1. mgr. 16. laga nr. 91/1991 um meðferð einkamála (eftirleiðis skammstöfuð EML) sé talin fyrir hendi. Af eldri dómum er nærtækt að álykta að ekki þurfi meira til en að tveir menn velji áhugaefni sínu eða markmiði sérstakt nafn1 eins og nánar er vikið að í kafla 3.2. Um þetta efni er fjallað í ýmsum greinum lögfræðinnar, meðal annars, og ef til vill helst á ýmsum sviðum fjármunaréttarins, í félagarétti, persónurétti (í það minnsta til hliðsjónar) og að sjálfsögðu réttarfari. Sérstakt athugunarefni er aðildarhæfi afmarkaðra eininga eða einda innan félaga, samtaka,
    stofnana eða annarra lögaðila. Er það meginmarkmið þessarar ritgerðar að gera grein fyrir þeim kröfum sem slíkar undireindir þurfa að uppfylla svo þær teljist aðildarhæfar. Er lykilspurningin hvað þetta varðar því sú hvort undireind lögpersónu sé bær að lögum til að bera skyldur og eiga réttindi, samanber tilvitnaða 16. gr. EML. Fanga um þetta er að mestu að leita í dómum Hæstaréttar og verður þróun dómaframkvæmdar hvað þetta varðar einnig til skoðunar en Hæstiréttur virðist smám saman hafa þrengt möguleika undireinda hvers konar til aðildar. Um þetta er fjallað í kafla 4.4. Efnistökin eru með þeim hætti að til að byrja með er gerð grein fyrir ýmsum
    undirstöðuatriðum varðandi aðild, aðildarhæfi og lögpersónur (2. og 3. kafli) sem nauðsynlegt er að gerð séu skil svo umfjöllun um meginefnið nái markmiði sínu. Um það er svo fjallað í framhaldinu með fyrrgreindum hætti í 4. kafla. Niðurlag og ályktarorð eru að lokum í 5. kafla. Vegna sérstöðu ríkis og sveitarfélaga sem lögpersóna er umfjöllunin að mestu afmörkuð við ætlaðar lögpersónur af einkaréttarlegum toga en óhjákvæmilegt er að líta í einhverjum mæli til undireinda opinberra lögpersóna enda gilda að mörgu leyti sömu sjónarmið um þær.

Athugasemdir: 
  • Ritgerðin er lokuð fram í janúar 2011.
Samþykkt: 
  • 16.4.2010
URI: 
  • http://hdl.handle.net/1946/4666


Skrár
Skráarnafn Stærð AðgangurLýsingSkráartegund 
01 - Forsíða.pdf36.16 kBOpinnForsíðaPDFSkoða/Opna
02 - Efnisyfirlit.pdf79.45 kBOpinnEfnisyfirlitPDFSkoða/Opna
03 - BA-ritgerð.pdf214.5 kBOpinnMeginmálPDFSkoða/Opna
04 - Heimildaskrá.pdf88.57 kBOpinnHeimildaskrá og dómayfirlitPDFSkoða/Opna