Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4713
Ritgerð þessi er unnin af tveimur nemendum við Háskóla Íslands í félagsráðgjöf. Ritgerðin er lokaverkefni til B.A. prófs. Megin viðfangsefni ritgerðarinnar er rannsókn á samskiptum og
samstarfi barnaverndaryfirvalda og grunnskóla. Þeir meginþættir sem eru til rannsóknar eru hvernig starfsmenn þessara stofnana upplifa trúnaðarskyldu hjá barnaverndaryfirvöldum og hvort hún sé á einhvern hátt að torvelda samvinnu þeirra á milli. Í ritgerðinni verður fjallað
um hlutverk grunnskóla og barnaverndaryfirvalda, markmið þeirra og skipulag. Gerð er grein fyrir mikilvægi trúnaðarskyldunnar sem og lögum og þeim reglugerðum sem að henni snúa.
Varpað verður ljósi á kenningu Urie Brofennbrenner´s um nauðsyn góðra samskipta á milli allra þeirra aðila sem koma að lífi barns. Ritgerðin byggist á eigindlegum aðferðum þar sem tekin voru tíu viðtöl, fimm við starfsmenn skóla og fimm við starfsmenn
barnaverndaryfirvalda. Niðurstaða rannsóknarinnar bendir til þess að trúnaðarskyldan geti verið að torvelda samstarf barnaverndaryfirvalda og skóla, og því sé mikilvægt að stuðla að verklagsreglum um samvinnu barnaverndaryfirvalda og skóla eða reglubundnum samráðsfundum þar sem helstu upplýsingar um stöðu málsins koma fram.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
MargretTh_ritgerð 29.pdf | 978.77 kB | Lokaður | Heildartexti |