ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/485

Titill

Útgerðarfélag Akureyringa hf. : pakkningar og gæði þorskbita

Útdráttur

Lykilorð: Ferskfiskútflutningur, gæði, gæðastýring, gæðamat, pakkningar,
endurnýting- og endurvinnsla pakkninga.
Verkefnið er rannsóknarverkefni sem fjallar um pakkningar fyrir ferskan fisk
(þorskhnakkabita), gæði, gæðastýringu, gæðamat, skipa- og flugflutninga og endurnýtingar-
og endurvinnslukerfið í Bretlandi m.t.t. förgunarkostnaðar á pakkningar fyrir framleiðenda-
og sölufyrirtækin. Verkefnið var unnið í samstarfi við ÚA hf.
Það var skoðað í m.t.t.
vinnslunnar hjá fyrirtækinu og flutnings á Humberside í Bretlandi. Rannsóknarspurningin var
fjórþætt:1) Hver er framtíð frauðplastpakkninganna gagnvart nýjum pakkningum, þ.e.
plast(tvöföld)-, plastkalk(einföld og tvöföld)-, og plasthúðuðum pappapakkningum (tvöföld)?
M.t.t. einangrunargildis þeirra og áhrifa á gæði ferskfisks 2) Er nauðsynlegt að nota
kolsýrusnjó
+ tvöfalda gelmottu í stað þess að nota einungis tvöfalda gelmottu/kælimottu? 3)
Hversu vel þola pakkningarnar álagið í flutningum og hver er munurinn á milli flug- og
skipaflutnings? 4) Hvaða áhrif hefur
endurnýtingar- og endurvinnslukerfið í Bretlandi á
förgunarkostnað pakkninga fyrir framleiðslu- og sölufyrirtækin?
Rannsóknin byggðist þannig upp að fyrst var byrjað á því að fylgjast með
flugsendingu frá ÚA hf til Humberside í Bretlandi. Hitasíritar fóru með sendingunni til þess
að kanna einangrunargildi pakkninga og var þolálag líka metið. Í framhaldi af því var gerð
tilraun á fjórum fyrrnefndum gerðum pakkninga. Til þess að kæla hráefnið niður var
annarsvegar notast við kolsýrusnjó+tvöfalda gelmottu og hinsvegar aðeins tvöfalda gelmottu.
Hráefnið var geymt í móttökukæli ÚA hf (1,0-7,2°C). Gert var gæðamat og fylgst með
hitastigsbreytingum í umhverfinu og í pakkningunum með hitasíritum yfir 10 daga tímabil.
Samhliða tilrauninni var gerð rannsókn á því hvernig skipa- og flugflutningum með ferskan
fisk
frá Íslandi til Humberside er stýrt. Og hvernig endurnýtingar- og endurvinnslukerfið í
Bretlandi hefur áhrif kostnað framleiðslu- og sölufyrirtækjanna m.t.t.
förgunarkostnaðar
pakkninga.
Helstu niðurstöður urðu þær að einangrunargildi frauðplastpakkninganna er betra en
hinna við aðstæður þar sem að kæling verður fyrir truflunum. En hinar pakkningarnar koma
annars vel mjög vel út og jafnvel betur er frauðplastið þegar ekki verður truflun á
-viii-
kælistýringunni. Hinsvegar var lítill sem enginn munur milli pakkninga varðandi
einanrungargildi og gæða fiskbitanna að lokum (hráefni þá orðið 13-14 daga gamallt). Mestu
skemmdareinkenni voru ekki farin að gera vart við sig fyrr fiskur var orðinn 10-12 daga
gamall, þ.e. við þær aðstæður sem hann var geymdur. Þetta á við um allar pakkningarnar fyrir
utan plastkalkpakkningarnar varðandi einangrunargildi þeirra en ekki gæði fiskbita sem kom
álíka út. Einangrunargildi þeirra var hinsvegar lakara með kolsýrusnjó
+
tvöfaldri gelmottu
(munaði 0,5+
0,1 til 0,3°C). Ekki reyndist unnt að nota plastkalkpakkningarnar án kolsýrusnjó
þar sem ekki fékkst nóg af þeim. Í ljós kom að með notkun kolsýrsnjós þá varð kælingin betri
en að nota
aðeins tvöfalda gelmottu
(munaði ríflega 0,5°C). Lítil reynsla er komin á flestar
nýju pakkninganna varðandi þolálag í flutningum. Hinsvegar hefur reynst nokkuð vel að nota
plastpakkningarnar hjá Toppfiski hf og hafa þær fengið samþykki kaupenda í Bretlandi.
Plasthúðuðu pappapakkningarnar voru settar í þróunar- og framleiðslubið vegna þess að
milliborðið í þeim hefur tilhneigingu til að draga í sig raka, þar með geta þær auðveldlega
drappast niður ef þær mýkjast. Meiri óvissa er með plastkalkpakkningarnar varðandi þolálag,
en þeir hjá Samherja hf eru að fara að prófa þær innan örfárra vikna. Þeim er hinsvegar ætlað
að þola 214 kg þunga. Munurinn á skipa- og flugflutningi er að skipaflutningur tekur lengri
tíma en er hinsvegar ódýrari kostur. Það er brýn þörf á að þróa og nota einhverjar aðrar
geymsluaðferðir en notaðar eru í dag og voru notaðar í tilrauninni, ef hráefnið á að geymast
lengur í skipaflutningum. Varðandi endurnýtingarkostnað framleiðslu- og sölufyrirtækjanna
þá er ódýrara eins og staðan er í Bretlandi í dag að nota plastpakkningarnar vegna endurgjalds
fyrir endurvinnslu þeirra. Þar að auki þarf ekki að greiða aukagjöld vegna flutnings og
urðunar ef endurvinnslufyrirtækið samþykkir að taka við þeim.

Birting
1.1.2004


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
ua.pdf2,61MBOpinn Útgerðarfélag Akureyringa hf. - heild PDF Skoða/Opna