Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4867
Heimilislausir á Íslandi hefur verið falinn hópur og þá sérstaklega heimilislausar konur. Tilgangur þessarar ritgerðar er að taka saman þær kenningar og hugmyndafræði sem leiða stefnu íslenskra stjórnvalda í áfengis- og fíkniefnamálum og þau meðferðarúrræði sem standa til boða. Stefna íslenskra stjórnvalda í þessum málaflokki hefur haft áhrif á þau búsetuúrræði sem heimilislausum er boðið uppá. Í ritgerðinni verður kynnt ný hugmyndfræði skaðaminnkandi nálgunar sem annan valkost við þá hefðbundnu meðferð og hugmyndafræði sem ríkir á Íslandi. Skaðaminnkandi nálgun hefur verið notuð víða erlendis virkum áfengis- og vímuefnaneytendum með góðum árangri. Skaðaminnkun hefur það að markmiði að draga úr neikvæðum áhrifum sem áfengis- og vímuefnaneysla hefur á heilsu, félagslega og fjárhagslega stöðu fólks. Með því að veita heimilislausum búsetuúrræði sem byggir á hugmyndafræði skaðaminnkandi nálgunar er hægt að auka lífsgæði þessa fólks og gefa þeim tækifæri til að hafa áhrif á umhverfi sitt.
Hugmyndafræði skaðaminnkandi nálgunar fellur vel að hugmyndafræði félagsráðgjafar. Aðal inntak þeirrar meðferðar er að mæta einstaklingnum þar sem hann er staddur hverju sinni í lífi sínu og styðja hann til jákvæðra breytinga á lífi sínu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Busetuurræði fyrir heimilislausar konur-skemma.pdf | 566.56 kB | Opinn | Heildartexti | Skoða/Opna |