ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4905

Titill

Lýkópódíum alkalóíðar í litunarjafna (Diphasiastrum alpinum). Einangrun, efnabyggingar og asetýlkólínesterasavirkni

Útdráttur

Jafnar eru ævaforn hópur gróplanta sem þekktur er fyrir að framleiða lýkópódíum alkalóíða. Sumir þeirra hafa reynst öflugir hindrar á ensímið asetýlkólínesterasa og gætu því mögulega dregið úr einkennum Alzheimerssjúkdómsins. Litunarjafni (Diphasiastrum alpinum) er ein af fimm jafnategundum sem vaxa á Íslandi. Efnainnihald hans hefur lítið verið rannsakað til þessa, en einungis hefur ein vísindagrein verið birt um efnið þar sem fjórum alkalóíðum er lýst.
Markmið þessa verkefnis var að rannsaka lýkópódíum alkalóíða úr litunarjafna sem vex á Íslandi, einangra þá, greina efnabyggingar og kanna hvort þeir hafi andkólínesterasavirkni in vitro.
Ofanjarðarhlutar litunarjafna voru úrhlutaðir og extröktin upphreinsuð með fasaskiljun í skiltrekt. Fastfasasúluskiljun var því næst gerð til að aðskilja alkalóíðana og voru þeir síðan einangraðir með háþrýstivökvaskiljun. Við byggingarákvörðun alkalóíðanna var notast við einvíð og tvívíð prótónu- og kolefniskjarnsegulmælingar. Andkólínesterasavirknin var ákvörðuð in vitro með ljósgleypnimælingum.
Rannsóknin leiddi í ljós að litunarjafni innihélt a.m.k. 12 alkalóíða en fimm þeirra voru byggingarákvarðaðir og andkólínesterasavirkni þeirra mæld. Tveir alkalóíðanna reyndust vera lýkópódín og klavólónín sem áður hefur verið lýst úr plöntunni. Hinir þrír alkalóíðarnir eru OAc alkalóíðar þar sem einn inniheldur einn OAc hóp og hinir tvo OAc hópa. Vísbendingar eru um að annar af alkalóíðunum með tvo OAc hópa sé með nýja lýkópódíum alkalóíðabyggingu sem hefur ekki verið lýst áður. Til að fá endanlega staðfestingu á efnabyggingum alkalóíðanna er þörf á góðum HMBC rófum og MS rófum. Alkalóíðarnir höfðu mjög veik hindrunaráhrif á asetýlkólínesterasa með IC50 yfir 1000 µM, sem er hæsti styrkur sem mældur var.
Enn á eftir að byggingarákvarða þá alkalóíða sem voru einangraðir í < 2 mg magni og mæla andkólínesterasavirkni þeirra, en þar gætu leynst alkalóíðar með áður óþekktar efnabyggingar og jafnvel öfluga andkólínesterasavirkni.

Birting
4.5.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
MS-ritgerd_Ragnheidur.pdf7,16MBOpinn Heildartexti PDF Skoða/Opna