is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4972

Titill: 
  • Skipulag heilbrigðisþjónustu á Íslandi
Námsstig: 
  • Meistara
Útdráttur: 
  • Í ritgerðinni er fjallað um skipulag heilbrigðisþjónustu á Íslandi. Fjallað er um stjórnsýslu heilbrigðismála og hlutverk heilbrigðisráðherra og opinberra stofnana er varða skipulagningu og veitingu heilbrigðisþjónustu hér á landi. Í lögum um heilbrigðisþjónustu er lýst grunnskipulagi hins opinbera heilbrigðisþjónustukerfis. Ráðherra eru í lögum tryggðar ákveðnar valdheimildir sem gera honum kleift að stýra heilbrigðiskerfinu og skipuleggja það innan ramma laganna. Í lögum um sjúkratryggingar er mælt fyrir um hvernig ráðherra geti með skipulögðum hætti nýtt þær valdheimildir sem hann hefur samkvæmt lögum um heilbrigðisþjónustu og lögum um sjúkratryggingar. Með lögum um sjúkratryggingar var komið á fót sjúkratryggingastofnun sem meðal annars annast samningsgerð um heilbrigðisþjónustu. Var þar stigið mikilvægt framfaraskref við skipulagningu heilbrigðisþjónustu hér á landi þar sem sameinaðir voru hjá einni stofnun verkþættir hjá ríkinu er varða samninga um kaup á heilbrigðisþjónustu, sem áður voru á hendi þriggja aðila innan stjórnsýslunnar. Það samskiptaform sem gert er ráð fyrir í lögunum felur í sér samninga við alla þjónustuaðila innan heilbrigðiskerfisins þar sem nánar er samið um endurgjald fyrir tiltekna þjónustu, magn hennar og gæði. Í ritgerðinni er skoðað hvernig fyrirkomulagið hefur áhrif á heilbrigðisþjónustukerfið og jafnræði sjúklinga. Þó er ekki fjallað um efnislegt inntak sjúkratrygginga eða réttinda sjúkratryggðra.
    Í ritgerðinni er leitast er við að varpa ljósi á starfsumhverfi veitenda heilbrigðisþjónustu, bæði opinberra aðila og einkaaðila. Í ritgerðinni er lýst uppbyggingu opinbera heilbrigðisþjónustukerfisins og hlutverkum stofnana ríkisins sem veita heilbrigðisþjónustu. Einkarekin heilbrigðisþjónusta hefur lengi verið snar þáttur innan íslenska heilbrigðiskerfisins. Í ritgerðinni er fjallað um heimildir sjálfstætt starfandi heilbrigðisstarfsmanna til að veita heilbrigðisþjónustu, ýmist með eða án greiðsluþátttöku ríkisins. Einnig er stuttlega fjallað um heimildir erlendra aðila til að veita heilbrigðisþjónustu hér á landi á grundvelli ákvæða samningsins um Evrópska efnahagssvæðið. Þá er fjallað um samkeppni á sviði heilbrigðisþjónustu, að hvaða leyti samkeppnislög eiga við um veitingu heilbrigðisþjónustu, bann við samkeppnishömlum og úrræðum samkeppnisyfirvalda vegna samkeppnishamlandi aðgerða. Í lok ritgerðarnnar er fjallað um ný tækifæri á sviði heilbrigðisþjónustu, er snúa að möguleika heilbrigðisstofnana ríkisins til að skipuleggja heilbrigðisþjónustu á einkaréttarlegum grundvelli fyrir ósjúkratryggðra, og hvernig mætti standa að framkvæmd slíkra verkefna, með tilliti til samkeppnislegra sjónarmiða.

Samþykkt: 
  • 6.5.2010
URI: 
  • http://hdl.handle.net/1946/4972


Skrár
Skráarnafn Stærð AðgangurLýsingSkráartegund 
meistararitgerd.pdf1.07 MBLokaðurHeildartextiPDF