is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5025

Titill: 
  • „Hún var sjaldan kölluð ‚skáldkona‘ ... Hún var frú Theodora“. Um skáldskap Theodoru Thoroddsen
Námsstig: 
  • Bakkalár
Útdráttur: 
  • Í ritgerðinni er fjallað um Theodoru Thoroddsen, lífshlaup hennar og skáldskap. Flestir þekkja Theodoru sem eiginkonu Skúla Thoroddsens stjórnmálaskörungs og ritstjóra og móður þrettán barna þeirra en ekki sem skáldkonuna Theodoru. Hér er skáldskapur hennar dreginn fram í dagsljósið og sýnt hvernig viðhorf hennar og lífsreynsla kemur fram í ljóðum hennar og þulum. Í ritgerðinni er fyrst farið yfir ævi hennar, bent á áhrif bernskuheimilisins sem var efnað menningarheimili. Þar kynntist hún hugmyndum um menntun og réttindi kvenna og bar þess merki ævilangt. Hún hlaut eins góða menntun og stúlkur gátu fengið á 19. öld og skipaði sér í raðir talsmanna kvenfrelsis. Viðhorf hennar til þessara mála koma vel fram í skáldskapnum. Eins og konur hafa gert um aldir orti Theodora ævikvæði þar sem sýnt er hvernig hlutskipti móðurinnar og eiginkonunnar kemur í veg fyrir að skáldkonan njóti sín. Konur höfðu hvorki frístundir né næði til ritstarfa. Hér er einkum fjallað um kvæðin „Mitt var starfið“, „Að vestan“ og „Rökkurljóð“.
    Þekktust er Theodora fyrir þulur sínar, tólf talsins, sem urðu þjóðkunnar og afar vinsælar meðal ungra sem gamalla. Í þulunum skapaði Theodora ævintýraheim álfa, trölla og skógardísa en engu að síður kom hún fram skoðunum sínum um kvenréttindi og hefðbundið kvenhlutverk í þessum magnaða heimi. Í skáldskapnum fann Theodora rödd fyrir frjálslyndar hugmyndir sínar og var langt á undan sinni samtíð.

Samþykkt: 
  • 7.5.2010
URI: 
  • http://hdl.handle.net/1946/5025


Skrár
Skráarnafn Stærð AðgangurLýsingSkráartegund 
Ritgerd-STP-lokadrog.pdf432.65 kBLokaðurHeildartextiPDF