is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5030

Titill: 
  • Séreignarsparnaður
Námsstig: 
  • Bakkalár
Útdráttur: 
  • Íslenska lífeyrissjóðakerfið er byggt upp á þrem stoðum; almannatryggingum, skyldulífeyri og frjálsum séreignarsparnaði. Umfjöllunarefni þessarar ritgerðar er valfrjáls séreignarsparnaður. Með lögum nr. 129/1997 um skyldutryggingu lífeyrisréttinda og starfsemi lífeyrissjóða var lagður grunnur að betra lífeyriskerfi þar sem lífeyrissjóðum og öðrum vörsluaðilum var heimilað að taka við viðbótarsparnaði launþega. Tilgangur laganna var að auka sparnað þjóðarinnar og styrkja stoðir lífeyrissjóðakerfisins. Í ritgerðinni verður skoðuð þróun séreignarsparnaðar, þ.e. hvort sparnaður hafi aukist frá því lögin tóku gildi. Skoðuð er þróun iðgjalda, fjöldi sparenda og eigna sem og hvernig ávöxun fjárfestingarleiða hefur verið. Kynntar verða breytingar á lögunum sem heimila tímabundna úttekt úr séreignarsjóðum landsmanna og rýnt í það hvaða áhrif þessar breytingar hafa á séreignarsparnaðinn. Þá verður skoðað nýtt frumvarp Sjálfstæðisflokks um skattlagningu inngreiðslna í séreignarsjóð og hvaða áhrif það mun hafa á sparnað og vörsluaðila. Helstu niðurstöður eru þær að séreignarsparnaður hefur vaxið nær stöðugt frá því lögin tóku gildi. Athyglisvert er að stærstu sjóðirnir í lífeyrissjóðakerfinu eru alls ekki stórir í séreignarsparnaði. Eignir sjóðanna hafa vaxið en fall bankanna haustið 2008 hafði mikil áhrif á eignir sjóðanna þar sem þeir höfðu fjárfest mikið í innlendum hlutabréfum og hlutabréfasjóðum útgefnum af bönkunum. Margir hafa nýtt sér heimild til útgreiðslu úr séreignarsjóðum enda mörg heimili í vanda eftir efnahagsþrengingar síðustu mánuði. Verði frumvarp Sjálfstæðisflokksins um skattlagningu inngreiðsla að lögum, mun það draga úr hvata til sparnaðar, eignamyndum vegna sparnaðar mun verða minni og fjárfestingartekjur sjóðanna munu minnka.
    Við gerð ritgerðarinnar var notast við skýrslur Fjármálaeftirlitsins sem unnar eru úr ársreikningaskýrslum lífeyrissjóðanna frá árinu 2001 til 2008, ársreikninga lífeyrissjóðanna, lög og reglugerðir og ýmsar greinar af netinu.

Samþykkt: 
  • 8.5.2010
URI: 
  • http://hdl.handle.net/1946/5030


Skrár
Skráarnafn Stærð AðgangurLýsingSkráartegund 
Heildartexti.pdf924.68 kBOpinnHeildartextiPDFSkoða/Opna