ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5236

Titill

Rannsókn á lífslíkum: Áhrif vergrar landsframleiðslu auk annarra þátta á lífslíkur í heiminum

Leiðbeinandi
Útdráttur

Lífslíkur hafa aukist mikið síðustu ár og er sú þróun ein mikilvægasta þróun sem hefur
áhrif á heilbrigði mannsins. Iðnaðarlöndin búa við hæstu lífslíkur frá upphafi meðan
mörg þróunarlönd búa við margfalt lægri lífslíkur. Fræðimenn eru hins vegar margir
með skiptar skoðanir um það hvað veldur þessum mikla ójöfnuði á heilsu manna í
heiminum og hafa margar rannsóknir verið gerðar til þess að útskýra þessa þróun.
Meginmarkmið þessarar rannsóknar er að reyna skýra þann mikla ójöfnuð sem er í
lífslíkum í heiminum þar sem einblínt er á samband VLF og lífslíkur.
Gögnin sem voru notuð í þessari rannsókn eru þverskurðargögn sem var safnað af
vefsvæðum nokkurra stofnanna. Flest gögnin eru frá árinu 2000 þar sem skortur var á
nýlegri gögnum. Notuð var aðhvarfsgreining til þess að kanna samband lífslíka og
breytanna sem voru notaðar í rannsókninni.
Niðurstöður sýna fram á jákvætt samband vergrar landsframleiðslu og lífslíka, þ.e.
aukning í VLF skilar sér í lengri lífslíkum. Önnur niðurstaða var sú að tekjuójöfnuður
hefur marktækt neikvæð áhrif á lífslíkur í heiminum.
Aukning í VLF virðist hafa meiri áhrif á lífslíkur í þróunarlöndum sem skýrist meðal
annars af því að auknar tekjur meðal þróunarlanda fara í að mæta grunnþörfum manna
sem bæta heilbrigði þeirra. Sama tekjuaukning í þróuðum löndum fer í að mæta annars
konar neysluvenjum sem bætir ekki heilsu þeirra. Ójöfnuður skýrir hluta af breytileika
lífslíka þar sem aukinn ójöfnuður hefur neikvæð áhrif á heilsu manna.

Birting
12.5.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
matthildurskila.pdf453KBOpinn Heildartexti PDF Skoða/Opna