Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5258
Í þessari ritgerð er raungengi íslensku krónunnar endurreiknað frá upphafi, allt aftur til 1896 og fram til ársins 2002. Ekki hefur raungengi íslensku krónunnar verið kannað lengra aftur en til ársins 1914 áður. Jóhannes Nordal og Ólafur Tómasson reiknuðu raungengið fyrir tímabilið 1914-1973, í grein sinni „Frá floti til flots“ sem birt var árið 1985.
Þessi rannsókn spannar lengra tímabil og styðst við fleiri viðmiðunarlönd til útreikninga fyrir meiri nákvæmni. Vægi hverrar þjóðar er vegið með grunnársveginni veldisvog sem byggir á hlutfalli hverrar þjóðar af heildarvöruviðskiptum Íslands á hverju tilteknu ári.
Niðurstöður eru bornar saman við fyrri niðurstöður Jóhannesar og Ólafs. Fyrir tímabilið eftir 1973, þar sem Jóhannes og Ólafur skyldu við, eru niðurstöður bornar saman við opinbert raungengi Seðlabankans fram til ársins 2002. Að lokum eru niðurstöður svo bornar saman við raungengisvísitölu dönsku krónunnar sem reiknuð var með sama hætti í sambærilegri danskri rannsókn árið 2004.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Páll_save as PDF.pdf | 2 MB | Lokaður | Heildartexti |