Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5263
Krabbamein í blöðruhálskirtli er algengasta krabbamein sem greinist í körlum á Vesturlöndum. Blöðruhálskirtilskrabbamein er eitt af þeim krabbameinum sem sannað hefur verið að erfðir og umhverfi hafi áhrif á. Fjöldi einsbasabreytileika á mörgum litningum hafa verið tengdir við krabbameinið. Tilgangur verkefnisins var að skoða breytileika í útröðum TCF2 gensins á litningi 17 en breytileikar þar hafa verið tengdir við myndun blöðruhálskirtilskrabbameins. RNA var einangrað úr bæði krabbameinsvef og eðlilegum vef blöðruhálskirtils og tjáning á TCF2 geninu skoðuð. Einnig var kannað með raðgreiningu hvort áður óþekktir breytileikar fyndust í geninu sem tengja mætti við blöðruhálskirtilskrabbamein.
Helstu niðurstöður urðu að í raðgreiningunni fundust 8 einsbasabreytileikar sem voru margbreytilegir en aðeins einn af þeim fylgdi áður birtum breytileikum sem tengdir hafa verið við áhættu á að fá krabbameini í blöðruhálskirtli. Tjáning á TCF2 er til staðar í vefjasýnunum bæði í heilbrigðum og æxlisvef, en ekki mjög mikil.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
TCF2_emilia_ritg.pdf | 1.65 MB | Opinn | Heildartexti | Skoða/Opna |