ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Verkfræði- og náttúruvísindasvið>Rannsóknarverkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5358

Titill

Samanburður á svefntíma kvenna sem vinna vaktavinnu annars vegar og stunda dagskóla hins vegar

Útdráttur

Áhrif næturvakta á svefn vaktavinnufólks hafa lítið verið rannsökuð á Íslandi. Vitað er að næturvaktavinna hefur áhrif á svefn- og vökumynstur vegna misræmis milli lífklukkunnar og ytra áreitis svo sem dagsbirtu. Markmið þessarar rannsóknar var að skoða svefnmynstur hjúkrunarfræðinga sem vinna vaktavinnu. Ýmsir þættir svefns voru kannaðir með virknimæli (Actiwatch®),
spurningalista og svefnskrá. Samanburður var gerður við hóp hjúkrunarfræðinema sem var talinn hafa að jafnaði stöðugra svefnmynstur. Sex starfandi hjúkrunarfræðingar á Landspítalanum við Hringbraut og jafnmargir nemar, sem stunda dagskóla í hjúkrunarfræði við Háskóla Íslands, tóku þátt í rannsókninni. Mælingatími stóð í viku hjá
hvorum hópi. Starfshlutfall hjúkrunarfræðinganna var 80-100% og unnu þeir ýmist morgun-, kvöld- og/eða næturvaktir. Nemarnir stunduðu nám í dagskóla, um 35 tíma þá skólaviku. Skilyrði fyrir þátttöku voru að einstaklingar væru á aldrinum tuttugu til þrjátíu ára og
barnlausir. Rannsóknarspurning var sett fram: Er svefn hjúkrunarfræðinga í vaktavinnu skertur í samanburði við svefn hjúkrunarfræðinema? Niðurstöður sýndu að hjúkrunarfræðingar fengu marktækt minni svefn á vinnudögum en nemar á virkum dögum.

Birting
21.5.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
EvaMariaGudm.pdf1,8MBOpinn Heildartexti PDF Skoða/Opna