ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/565

Titill

Mikilvægi samstarfs fyrstu tveggja skólastiganna

Útdráttur

Í þessari ritgerð er fjallað um samstarf milli leikskóla og grunnskóla, hversu mikilvægt samstarfið er milli tveggja fyrstu skólastiganna og hversu miklu máli það skiptir að kennarar, foreldrar og stjórnendur hafi jákvæð viðhorf til samstarfsins. Fjallað er um samstarf skólanna við foreldra barna og aðild þeirra að samstarfi. Gerð var eigindleg rannsókn í formi viðtala við stjórnendur og kennara leik- og grunnskóla á Akureyri. Markmiðið með rannsókninni var að svara tveimur rannsóknarspurningum: Hversu mikilvægt er samstarf milli leik- og grunnskóla og Hver eru viðhorf kennara til samstarfs. Í 2. kafla er gerð grein fyrir hvernig samstarf hefur breyst á milli leik-, grunnskóla og heimila barna á síðustu árum og áratugum. Könnuð er stefna sveitarfélaga til samstarfs og gerð grein fyrir henni. Aðaláherslan er þó lögð á að skýra frá því samstarfi sem er með leikskólum og grunnskólum í þeim tilgangi að auðvelda nemendum skiptin úr leikskóla í grunnskóla. Í 3. kafla er umfjöllun um elstu börnin í leikskólanum og yngstu börnin í grunnskólanum. Þar er sagt frá áherslum í starfi með leikskólabörnum og hvernig tekið er á móti þeim í grunnskólanum. Í 4. kafla er sagt frá rannsókn, rannsóknaraðferð, framkvæmd könnunnar og fleira og í 5. kafla er sagt frá niðurstöðum rannsóknarinnar þar sem greint er frá viðhorfum stjórnenda og kennara til samstarfs og er vitnað í þeirra orð í kaflanum. Samantekt er á eftir hverjum kafla þar sem greint er frá hvað fjallað er um í kaflanum. Í 6. kafla, umræðukafla, ræða höfundar um efnið og bera saman það sem fram kemur í fræðilegri umfjöllun og hjá viðmælendum um samstarf. Leitast er við að svara rannsóknarspurningum og hugað að samstarfi komandi ára og hvernig hægt er að búa að því og efla það.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2006


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
mikilvaegisamstarfs.pdf428KBTakmarkaður Mikilvægi samstarfs fyrstu tveggja skólastiganna - heild PDF  
mikilvaegisamstarfs_e.pdf103KBOpinn Mikilvægi samstarfs fyrstu tveggja skólastiganna - efnisyfirlit PDF Skoða/Opna
mikilvaegisamstarfs_h.pdf110KBOpinn Mikilvægi samstarfs fyrstu tveggja skólastiganna - heimildaskrá PDF Skoða/Opna
mikilvaegisamstarfs_u.pdf106KBOpinn Mikilvægi samstarfs fyrstu tveggja skólastiganna - útdráttur PDF Skoða/Opna