is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5659

Titill: 
  • ICESAVE-málið : greining á ábyrgð íslenska ríkisins og á mögulegum annmörkum á regluverki EES
Námsstig: 
  • Meistara
Leiðbeinandi: 
Útdráttur: 
  • Við fall Landsbanka Íslands hf. haustið 2008 urðu innlán í útibúum bankans í London og Amsterdam ótiltæk. Eignir íslenska innlánatryggingakerfisins nægðu ekki til greiðslu krafna sem á það féllu í kjölfarið. Breska og hollenska ríkið bættu því innstæðueigendum tapið, og kröfðust þess að íslenska ríkið veitti ríkisábyrgð á lán þeirra til Tryggingarsjóðs innstæðueigenda. Töldu þau íslenska ríkið bera ábyrgð gagnvart innstæðueigendum gæti innlánatryggingakerfið ekki bætt lágmarksupphæð tryggingar, auk þess sem íslenska ríkið var talið hafa mismunað innstæðueigendum á grundvelli ríkisfangs við ráðstafanir í tengslum við þjóðnýtingu bankans. Við innleiðingu tilskipunar 94/19/EB var ekki gert ráð fyrir ríkisábyrgð á sjálfseignarstofnun sem sett yrði á fót til að fara með innstæðutryggingar, en í tilskipuninni kemur fram að tryggingakerfi megi ekki felast í tryggingu sem aðildarríki sjálf veiti. Ríkisábyrgð eða bótaskylda ríkis tilkomin vegna þess eins að eignir lögmæts tryggingakerfis duga ekki til útgreiðslna má jafna til óbeinnar ríkisábyrgðar sem óheimilt er að veita. Við þjóðnýtingu Landsbanka Íslands hf. var innlendi hluti hans færður í nýtt félag en erlend starfsemi skilin eftir í hinu gamla félagi. Óbein mismunun á grundvelli ríkisfangs kann að hafa falist í þessari ráðstöfun, nái gildissvið EES-réttar til hennar, en mismunun kann að réttlætast af þjóðfélagsþörfum undir yfirvofandi efnahagshruni. Íslenskum stjórnvöldum voru nokkrar leiðir færar til að takmarka afleiðingar Icesave reikninganna, og má þar helst nefna aukna bindiskyldu og eiginfjárhlutfall fjármálafyrirtækja með útibú erlendis. Hins vegar voru mögulegar ráðstafanir ekki til þess fallnar að fyrirbyggja alfarið innlánasöfnun í erlendum útibúum, en stjórnvöldum var óheimilt að leggja almennt bann við opnun slíkra útibúa. Sökum þess að aðilar milliríkjadeilunnar um Icesave-reikningana voru annars vegar ESB-ríki og hins vegar EFTA-ríki í EES gat enginn dómstóll fjallað um málið nema með samþykki allra aðila. Tvíhliða samningaviðræður milli ríkjanna urðu því vettvangur úrlausnar deilunnar.

Samþykkt: 
  • 21.6.2010
URI: 
  • http://hdl.handle.net/1946/5659


Skrár
Skráarnafn Stærð AðgangurLýsingSkráartegund 
ICESAVE-málið.pdf651.96 kBOpinn"Icesave-málið" - heildPDFSkoða/Opna