Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5771
Byrjað var að fylgjast reglulega með sigvatni frá urðunarsvæðinu á Glerárdal 1996. Það hefur hins vegar ekki verið gerð heildstæð samantekt á þeim gögnum áður, né heldur reynt að taka saman hugsanleg áhrif á Glerána. Þess var freistað í þessu ritverki að smala saman öllum gögnum sem hendi á festi um sigvatnið og Glerána. Þegar farið var að skoða gögnin í heild kom ýmislegt áhugavert í ljós. Lagabreytingar sem orðið hafa á þeim fjórtán árum síðan byrjað var að skoða efnasamsetningu sigvatnsins hafa orsakað breytingu á þeim efnum sem skoðuð eru við mælingarnar. Eins eru neysluvenjur sífalt að breytast og það hefur áhrif á framleiðslu sigvatns, en þær breytingar verða þó ekki nema á mjög löngum tíma. Að ammoníaki og COD undanskildu reyndust allar mælingar vera langt undir leyfilegum losunarmörkum. Flestallra gagnanna var safnað með of löngu millibili, eða voru of fá til að draga heildstæða ályktun af þeim. Það gæti vel verið mögulegt að bót væri af því að breyta sýnatökuaðferðum, fækka efnunum sem skoðuð eru, en mæla þess í stað oftar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
texti45.pdf | 1.6 MB | Opinn | Skoða/Opna |