ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5801

Titill

Ofbeldi á meðgöngu: þekking og viðhorf ljósmæðra

Útdráttur

Viðfangsefni þessa verkefnis, sem er rannsóknaráætlun, er ofbeldi í nánum samböndum. Sérstaklega er lögð áhersla á ofbeldi á meðgöngu og hlutverk ljósmæðra því tengdu.
Samkvæmt Félags- og tryggingarmálaráðneytinu (2009) hafa um 22% íslenskra kvenna, eða konur búsettar á Íslandi, upplifað ofbeldi í nánum samböndum á lífsleiðinni en 1,6% á síðastliðnu ári. Hafi ofbeldi verið beitt í nánu sambandi fyrir þungun þá heldur það áfram, í um 40-60% tilfella, á meðgöngunni og í um 30% tilfella byrjar ofbeldi þegar þungun á sér stað. Ofbeldi á meðgöngu hefur verið tengt við ýmsa meðgöngukvilla s.s. fylgjulos, léttbura- og/eða fyrirburafæðingu, aukna tíðni fósturláta og beinbrot fósturs. Einnig hefur sýnt sig að ofbeldi á meðgöngu getur aukið tíðni þunglyndis hjá verðandi móður og meiri líkur eru á streituröskun, áfengis- og vímuefnanotkun, almennt óhollari lífstíll og svefnleysi.
Ljósmæður eru í lykilhlutverki til að uppgötva ofbeldi hjá konum á meðgöngu, aðstoða þær og koma til þeirra upplýsingum um hvert þær geti leitað eftir frekari upplýsingum og stuðningi. Markmiðið með fyrirhugaðri rannsókn er að kanna þekkingu og viðhorf ljósmæðra hérlendis á ofbeldi, hvort þær geri sér grein fyrir tíðni ofbeldis, hvað hindrar þær í að spyrja konur um ofbeldi og hvort aldur og menntun hafi áhrif þar á. Jafnframt verður viðhorf ljósmæðra gagnvart frekari þjálfun og menntun skoðuð.
Í fyrirhugaðri rannsókn verður notast við megindlega rannsóknaraðferð og spurningalistar lagðir fyrir allar starfandi ljósmæður á Íslandi. Notast verður við tvennskonar spurningalista, annarsvegar bakgrunnsspurningalista sem höfundar hönnuðu og hinsvegar sem hannaður var af Lazenbatt o.fl. og fengið var leyfi til að nota.

Athugasemdir

Verkefnið er lokað

Birting
24.6.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Ofbeldi á meðgöngu... .pdf942KBLokaður Ofbeldi á meðgöngu, þekking og viðhorf ljósmæðra - heild PDF